Periodebillettar for buss
Reiser du ofte løner det seg å kjøpe periodebillett. Då kan du reise så mykje du vil i begge retningar på ei vald strekning i løpet av 7 eller 30 dagar.
Periodebillett – kort fortalt
- Billett for 7 eller 30 dagar
- Kjøpast per strekning
- Gyldig i 7 eller 30 dagar frå den aktiverast
- Kjøpast i Vy-appen
Slik kjøper du periodebillett
Periodebillettar kjøper du enkelt i Vy-appen.
- Gå inn på «Billett» i appen og vel «Periodebillett» og «Vy Buss».
- Vel haldeplassar, starttidspunkt og lengde på billetten (7 eller 30 dagar) og gjennomfør kjøp.
- Billetten vil då vere å finne under «Billett» i appen.
Vilkår for periodebillett
- Med periodebillett må du alltid reservere plass på ein avgang før avreise.
- Kjøper du periodebillett i Vy-appen kan du velje dag og tidspunkt når du kjøper periodebilletten. Dette kan du ikkje endre på.
- Du kan ha opptil to plassreservasjonar samstundes per dag, i ulik retning. Det er ikkje mogleg å reservere plass på to avgangar til same destinasjon, før bussen til ein av reservasjonane er framme.
- Du kan inntil vidare berre kjøpe periodebillett på visse strekningar.
Endring av reservasjon med periodebillett
Ønskjer du å reise med ein annan avgang enn den du valde opphavleg, må du avbestille reservasjonen før bussen går. Den frigjorde reservasjonen kan du då bruke til å gjere ein ny reservasjon.
Klippekort med 10 klipp
For flybussen Fredrikstad–Sarpsborg–Oslo Lufthavn kan du kjøpe klippekort med 10 klipp. Klippekort må du inntil vidare kjøpe på vybuss.no eller i Vy Buss-appen. Du må vere logga inn for å kjøpe.
Her kan du kjøpe klippekort