Personvern i Vygruppen AS
Vi samlar inn og behandlar personopplysningar om deg som kjøper våre tenester eller bruker Vy-appen, vy.no eller vy.se. Her kan du lese om rettane dine, korleis vi behandlar personopplysningar, og korleis du får innsyn i personopplysningane vi har om deg.
Behandlingsansvarlig når du brukar tenestene våre er:
Vygruppen er eit mobilitetskonsern med fleire selskap som leverer ulike reisetenester, under dette tog- og busstenester. Selskapa i Vygruppen har eit felles konsernkunderegister for best å kunne administrere kundetilhøvet og samordne tilbodet av tenester frå selskapa i konsernet. Selskapa i Vygruppen har eit sams behandlingsansvar for opplysningane i registeret.
Prinsippa våre for personvern
- Vi skal behandle personopplysningar på ein lovleg, rettvis og open måte.
- Vi skal berre hente inn personopplysningar som er relevante vår reisene og kundetilhøvet til kundane våre.
- Vi hentar ikkje inn meir personopplysningar enn vi må.
- Personopplysningar som vi har henta inn skal vere oppdaterte og korrekte.
- Personopplysningar som vi har henta inn skal slettast når det ikkje lenger er behov for dei.
- Personopplysningar som vi har henta inn skal behandlast konfidensielt.
- Vi sel aldri personopplysningar til tredjepartar.
- Kundane våre har rett til å få innsyn i personopplysningar knytte til kundetilhøvet sitt. Kundar skal kunne få ein kopi av desse, og kan velje å slette dei frå systema våre om vi ikkje treng dei for t.d. å oppfylle lovkrav.
Behandling av personopplysningar
Når Vy sel eigne produkt og tenester
Vygruppen AS sel og formidlar mobilitetstenester gjennom kanalane våre (under dette vy.no, vy.se og Vy-appen) og er samstundes transportør for togtenester på enkelte strekningar.
Vygruppen består elles av fleire andre selskap som leverer ulike reisetenester, under dette tog- og busstenester, som også seljast gjennom kanalane til Vygruppen AS.
Når Vy formidlar produkt og tenester frå andre leverandørar
På vy.no, vy.se og i Vy-appen formidlar vi også tenester frå andre aktørar og samarbeidspartnarar, under dette tog-, buss- og taxiselskap.
Når andre formidlar Vy sine produkt og tenester
Rett til innsyn og dataportabilitet
Du har rett til å vite om vi behandlar personopplysningane dine. Om vi behandlar opplysningane dine, har du rett til å få informasjon om kva slags personopplysningar vi behandlar og korleis vi behandlar dei. Du har også rett til å få ein kopi av opplysningane vi behandlar.
Om vi behandlar personopplysningar baserte på eit samtykke frå deg eller for å oppfylle ein avtale vi har inngått med deg, har du rett til å ta med deg personopplysningane du sjølv har gjeve til oss, såkalla dataportabilitet.
Rett til korrigering og sletting
Du kan krevje at vi rettar personopplysningar om deg om dei er mangelfulle Vy-profilen din.
Rett til avgrensing
Du har rett til å be om ei avgrensing av behandlinga av personopplysningar, til dømes om du meiner behandlinga ikkje følgjer gjeldande lover og reglar, eller at opplysningane ikkje er riktige.
Rett til å protestere og trekkje tilbake samtykke
Du har rett til å protestere på behandlinga vår av dine opplysningar til direkte marknadsføring.
Du kan og reservere deg mot at personopplysningane dine nyttast til direkte marknadsføring ved å trekkje tilbake samtykket ditt.
Om vi behandlar personopplysningar om deg basert på velgrunna interesser, kan du krevje at vi ikkje lenger behandlar personopplysningar om deg, med mindre den velgrunna interessa vår veg tyngre enn interessene dine.
Du som har ein Vy-profil
Du som ikkje har Vy-profil
Om du reiser med oss utan å ha laga ein Vy-profil, kan du ikkje bruke Vy-appen eller Mine sider på vy.no/vy.se for å be om innsyn, endre, slette eller laste ned personopplysningar.
Handsaming av kundeførespurnader og klagar
Vi må behandle personopplysningane dine for å kunne svare på førespurnader frå deg som kunde via e-post, kontaktskjema, brev, chat, telefon eller sosiale medium. Det gjeld til dømes førespurnader om bestillingar, endringar, klagar, tilbakemeldingar og refusjonssaker. Dette er naudsynt for å oppfylle avtalen vår med deg om kjøp av tenestene våre.
Vi behandlar i tillegg personopplysningane dine for automatisk å kunne handsame sakene dine om refusjon og/eller erstatning. Dette gjer vi for å kunne tilby ei raskare handsaming av slike saker som del av oppfyllinga av avtalen vi har med deg som kunde og pliktene våre etter gjeldande regelverk om passasjerrettar. Du har rett til å be om ny og manuell behandling av ei slik sak.
Vi må også ha høve til å sjekke kva du har gjort på vy.no, vy.se og i Vy-appen for å kunne svare på førespurnad om desse tenestene, for eksempel ved feilsøking.
For dette føremålet brukar vi opplysningar som namn, kontaktinfo, kundenummer, kontonummer (for utbetaling), betalingsinformasjon, saksinformasjon, samt sals- og reisehistorikk og korleis du brukar produkta og tenestene våre.
Forbetring og feilsøking
Vi jobbar heile tida med å forbetre løysingane våre. Dette vil mellom anna seie feilsøking og feilretting. Om du tek kontakt med oss for å melde inn ein feil eller kome med forbetringsønske, kan vi hente inn kontaktopplysningane dine og informasjon om korleis du brukar produkta og tenestene våre. Denne behandlinga er naudsynt for å oppfylle avtalen vår med deg.
For dette føremålet nyttar vi opplysningar som namn, kontaktinfo, kundenummer, betalingsinformasjon, samt søkje-, sals- og reisehistorikk og korleis du brukar produkta og tenestene våre.
Utvikling av nye og eksisterande tenester
Vi behandlar personopplysningar for å identifisere etterspurnad etter nye produkt og tenester og for å betre allereie eksisterande produkt og tenester.
Vi har ei velgrunna interesse i å utvikle produkta og tenestene våre.
Tilleggstenester for å betre kundeopplevinga
For å gje deg ei betre kundeoppleving har vi laga somme tilleggstenester som vi håpar gjer det enklare og meir behageleg for deg å reise med oss. Til dømes tilbyd vi internett om bord i toga og bussane våre og underhaldning gjennom kundeprogrammet vårt, Grøn Reise.
For bruk av desse tenestene gjeld eigne vilkår. Det blir ikkje behandla personopplysningar ut over det som er naudsynt for å tilby tenestene.
IT-sikkerhet
Vi jobbar med å sikre deg mot uønskt eller skadeleg bruk, cyberangrep, datavirus og liknande i tenestene våre. Dette blir mellom anna gjort gjennom logging av sørvarar og system, tilgangskontroll og brannmurar.
Vi har ei velgrunna interesse i å sikre informasjons- og nettverkssikkerheit og å førebyggje svindel.
For dette føremålet brukar vi opplysningar om ditt utstyr som
- type nettlesar og nettlesaren sin versjon og innstillingar
- informasjon om nettilknyting som IP-adresser
- oversikt over kva tid, kvar og korleis du brukar produkta og tenestene våre
Kameraovervaking
Fleire av toga og bussane våre er kameraovervaka. Meininga med overvakinga er å verne om liv, helse og eigedom og førebyggje kriminalitet.
Videoar blir berre spela av ved konkret mistanke om straffbart tilhøve eller om politiet bed om innsyn.
Vi slettar opptak i samsvar med automatiserte sletterutinar og ikkje ut over det som til ei kvar tid er naudsynt for føremåla, og ikkje ut over sju dagar. Ved konkret mistanke om lovbrot kan vi lagre videomateriell lengre.
Toga og bussane våre som har kameraovervaking er merkte med dette.
Vi har ei velgrunna interesse i å gjere denne behandlinga.
Korleis brukar vi informasjonskapslar
Forespurnader
Hjelp oss å bli betre
Oppdateringar av personvernerklæringa
Vi har behov for å oppdatere personvernerklæringa etter kvart som vi utviklar nye produkt og tenester. Om vi gjer større endringar i personvernerklæringa vår vil vi også kunne kontakte deg gjennom til dømes e-post eller andre kanalar for å informere om endringa(ne).