Rabattar på togbilletter
Her får du ei oversikt over kva slags rabattar som er tilgjengelege og kva vilkår som gjeld for å motta rabattane.
Vilkår og rabattsatsar
Rabatten tek utgangspunkt i prisen for ein fullt fleksibel vaksenbillett.
Barn frå 0 til og med 5 år reiser gratis på alle billettar utanom Pluss og Pluss Refunderbar. Barn frå 6 til og med 17 år får 75 prosent rabatt på Enkeltbillett og Flex Refunderbar.
Barn frå 6 til og med 17 år kan også kjøpe periodebillett med studentrabatt. Ved billettkontroll må barnet vise gyldig periodebillett og personleg legitimasjon, som viser alderen til barnet. Som legitimasjon/aldersbevis gjeld bankkort (med bilete), pass, eller kopi av pass.
For reiser i Oslo/Akershus og Rogaland (Jærbanen), sjå takstreglar på ruter.noEkstern lenke og kolumbus.noEkstern lenke.
Barn får desse rabattane:
- Enkeltbillett:
- Barn 0–5 år reiser gratis
- Barn 6–17 år får 75 prosent rabatt
- Periodebillett:
- Barn 0–5 år reiser gratis
- Barn 6–17 år får 50 prosent studentrabatt
- Lavpris:
- Barn 0–5 år reiser gratis
- Barn 6–17 år får ingen rabatt
- Flex:
- Barn 0–5 år reiser gratis
- Barn 6–17 år får ingen rabatt
- Flex Refunderbar:
- Barn 0–5 år reiser gratis
- Barn 6–17 år får 75 prosent rabatt
- Pluss:
- Barn 0–5 år får 85 prosent rabatt (minstepris er 100 kr)
- Barn 6–17 år får ingen rabatt
- Pluss Refunderbar:
- Barn 0–5 år får 85 prosent rabatt (minstepris er 100 kr)
- Barn 6–17 år får 50 prosent rabatt (minstepris er 100 kr)
- PlussNatt:
- Barn 0–5 år får 85 prosent rabatt (minstepris er 100 kr)
- Barn 6–17 år får ingen rabatt
- PlussNatt Refunderbar:
- Barn 0–5 år får 85 prosent rabatt (minstepris er 100 kr)
- Barn 6–17 år får 50 prosent rabatt (minstepris er 100 kr)
- Sove:
- Barn 0–5 år reiser gratis
- Barn 6–17 år får ingen rabatt
- Sove Refunderbar:
- Barn 0–5 år reiser gratis
- Barn 6–17 år får 25 prosent rabatt
Sjølv om barn 0–5 reiser gratis, hugs å bestille billett til dei.
Rabatten tek utgangspunkt i prisen for ein fullt fleksibel vaksenbillett.
Enkeltbillett med studentrabatt
Alle studentar med gyldig studentbevis får rabatt på enkeltbillettar. Rabatten varierer mellom 10 og 50 prosent på utvalde billettypar. Billettar er berre gyldige saman med godkjend legitimasjon. Uavhengig av rabatten vi gir, er det ein minstepris for billetten.
Periodebillett med studentrabatt
Studentar under 30 år, med gyldig studentbevis, får også rabatt på periodebillettar. Det vil seie at du må kjøpe/aktivere billetten før du fyller 30 år. Billettar er berre gyldige saman med godkjend legitimasjon.
Kven får studentrabatt?
Rabatten gjeld for studentar ved vidaregåande skular, universitet, høgskolar, folkehøgskolar, akademi og liknande læreinstitusjonar. Han gjeld også for elevar ved offentlege skolar og godkjende privatskolar av liknande art som dei offentlege.
Skolen (semesteret) må vare minst tre månader. Studenten/eleven må delta i ordinær undervisning, ikkje ved spesialkurs eller praktikantarbeid.
Elevane må ha skolegang og studiar som hovudverksemd med ordinær utdanning som mål. Elevar og hjelpepleieelevar får rabatt medan dei går på skole.
Rabatten blir også gjeven til studentar som studerer i utlandet. Same vilkår og krav til legitimasjon gjeld som for studentar i Noreg. Har studenten godkjend gyldig stadfesting på betalt semesteravgift frå ein skole med semester som går over tre månader i Noreg eller utlandet er kravet for å oppnå rabatt oppfylt når dei viser legitimasjon.
Unnateke frå dei generelle krava for å få studierabatt, kan vaksne framandspråklege som gjennomgår kurset «Norsk med samfunnskunnskap» få studentrabatt.
Studentar ved undervisningsinstitusjonar som har fast stasjonær fulldagsundervisning på kvelden, og som ikkje er korrespondanseskolar får også studentrabatt.
Kven får ikkje studentrabatt?
Delfagselevar (hospitantar) og vaksne i full ervervsmessig stilling får ikkje rabatt. Ordninga gjeld heller ikkje korrespondanseskolar, kortvarige kveldskurs og etatsskolar (under Forsvaret, Postverket, osv.).
Elevar som mottek løn som ein del av skolegangen, til dømes lærlingar, har ikkje krav på studentrabatt. Dette gjeld til dømes tollar-, postbetjent- eller fengselsbetjentutdanning. Elevar som har deltidsjobb ved sidan av studiar har derimot krav på studentrabatt.
Skolebevis og legitimasjon
ID-kort eller kopi av pass må visast fram. For å få studentrabatt må studentar/elevar ha skolebevis med gyldig semestermerke. Skoleelevar som ikkje har fått utdelt skolebevis, kan vise eit skriv der skolen dokumenterer at dei er elevar ved skolen.
Vi godtek følgjande bevis:
- Studiekort/bevis med gyldig semestermerke. Viss studentkortet/beviset er utan foto, må du kunne identifisere deg sjølv ved hjelp av annan gyldig legitimasjon.
- Attestasjon frå skole som stadfestar skolegang inneverande semester kan visast saman med bankkort, førarkort, pass eller annan godkjend legitimasjon med foto
- ISIC-kort (International Student Identity Card utferda av Kilroy) påført ein gyldig studiestad og perioden kortet er gyldig
ANSA-kort gjev ikkje rett til rabatt.
Når er studentbeviset gyldig?
Studentbevis for vårsemesteret, eventuelt eit heilt skoleår (med skoleavslutning i mai/juni) er gyldig til og med 31. august same år. Studentbevis for haustsemester er gyldig til og med 31. januar året etter.
Studentar får desse rabattane:
- Enkeltbillett: 50 prosent rabatt
- Periodebillett: 50 prosent rabatt på 30-dagars periodebillett, ingen rabatt på 7-dagars periodebillett
- Lavpris: Ingen rabatt
- Flex: Ingen rabatt
- Flex Refunderbar: 50 prosent rabatt
- Pluss: Ingen rabatt
- Pluss Refunderbar: 10 prosent rabatt
- PlussNatt: Ingen rabatt
- PlussNatt Refunderbar: 10 prosent rabatt
- Sove: Ingen rabatt
- Sove Refunderbar: 10 prosent rabatt
Reise med ein annan operatør enn Vy eller med lokaltransport?
Rabatten tek utgangspunkt i prisen for ein fullt fleksibel vaksenbillett.
Du kan få honnørrabatt dersom du er over 67 år, uføretrygda, blind eller svaksynt. Du må ha med legitimasjon. Om du har kortet «Honnørrabatt Tilleggslegitimasjon», må du og vise det.
For å få rabatten som uføretrygda, må du:
- vere uføretrygda etter folketrygdlova
- eller vere ufør flyktning med supplerande stønad
- eller motta ei varig lovbestemt trygdeyting basert på at du er minst 50 prosent ufør frå ei offentleg trygdeordning i eit anna EØS-land enn Noreg.
Du må i tillegg få utskrive honnørkort av NAV.
Når ektepar eller registrerte partnarar (registrert i samsvar med Ektekapslova) reiser saman får begge honnørrabatt dersom den eine oppfyller kravet til rabatt. Rabatten blir ikkje gitt til registrert sambuar.
For blinde med bevis frå Norges Blindeforbund er det ikkje krav om at følgjeperson er ein bestemt person (ektefelle/partnar). Følgjeperson for blinde kan også vere barn. Dauvblinde med grønt honnørkort fra Nasjonal kompetansetjeneste for døvblinde (NKDB) får honnørbillett og gratis reise for ein følgjeperson.
Du får ikkje honnørrabatt på Flåmsbanen.
Eigne reglar gjeld for honnørbillettar frå andre lokale operatørar, som Ruter.
Honnør får desse rabattane:
- Enkeltbillett: 50 prosent rabatt
- Periodebillett: Ingen rabatt
- Lavpris: Ingen rabatt
- Flex: Ingen rabatt
- Flex Refunderbar: 50 prosent rabatt
- Pluss: Ingen rabatt
- Pluss Refunderbar: 25 prosent rabatt
- PlussNatt: Ingen rabatt
- PlussNatt Refunderbar: 25 prosent rabatt
- Sove: Ingen rabatt
- Sove Refunderbar: 25 prosent rabatt
Rabatten tek utgangspunkt i prisen for ein fullt fleksibel vaksenbillett.
Denne rabatten gjeld for vernepliktig militært personell som er norske statsborgarar og tenestegjer i det norske Forsvaret, nærare bestemt:
- Reise til/frå sesjon
- Oppmøte til -, og dimisjon frå, førstegongsteneste
- Soldatar i førstegongsteneste
- Militære lærlingar i 1. og 2. utdanningsår
- Reise til/frå repetisjonsteneste
- Reise til/frå nytilføring og årlig trening i Heimevernet
- Elevar og studentar ved Forsvarets høgskole/Befalsskole
Rabatten gjeld for reisande i både sivilt og uniform.
Uavhengig av rabatten vi gir, er det ein minstepris for billetten. Rabatten gjeld ikkje på Flåmsbana. For reiser i høvesvis Oslo/Akershus og i Skyss Sone A, gjeld takstreglane til Ruter og Skyss.
Innkallingsbrev (gyldig berre på reise til oppmøte til førstegongsteneste og nytilføring og repetisjonsøvingar i Heimevernet), studentbevis for krigsskulen eller Forsvarets blå identitetskort er einaste godkjende moderasjonsbevis.
Vernepliktig får desse rabattane:
- Enkeltbillett: 90 prosent rabatt
- Periodebillett: Ingen rabatt
- Lavpris: Ingen rabatt
- Flex: Ingen rabatt
- Flex Refunderbar: 90 prosent rabatt
- Pluss: Ingen rabatt
- Pluss Refunderbar: ingen rabatt
- Sove: Ingen rabatt
- Sove Refunderbar: Ingen rabatt
Om du reiser med følgjeperson og har eit følgjepersonbevis skrive ut av kommunen, gjev vi:
- 50 prosent rabatt på Enkeltbillett
- 50 prosent rabatt på Flex Refunderbar
- 25 prosent rabatt på Pluss Refunderbar
- 25 prosent rabatt på Sove Refunderbar
til deg som korthaldar, og tilsvarande prosent på billetten til følgjepersonen din. I nokre tilfelle er det innvilga to følgjespersonar, dette vil i så fall stå på følgjespersonbeviset. Kven som er følgjeperson er i denne ordninga valfritt for eigaren av følgjepersonbeviset. Du treng ikkje tilleggslegitimasjon ut over følgjepersonbeviset. Følgjepersonbeviset gjev ikkje nokon sjølvstendig rabatt til korthaldar om vedkomande reiser åleine utan følgjeperson.
For å få rabatten ein har krav på som reisande med følgjepersonbevis må du velje Honnør som passasjerkategori når du kjøper billett. Rabatten kan ikkje kombinerast med andre rabattar.
Blinde med medlemsbevis frå Norges blindeforbund kan ta med følgjeperson på same vilkår som følgjepersonbevis.
Døvblinde med legitimasjon frå kompetansesenter for døvblinde (grønt kort) får honnørrabatt og fri reise for ein følgjeperson. Ta kontakt med kundeservice, betent stasjon eller ombordpersonalet for å kjøpe billett.
Om følgjeperson innanfor Ruterområdet
Innanfor Ruterområdet kan følgjeperson reise gratis (utan billett), mot framvising av følgjepersonbevis. I nokre tilfelle er det innvilga to følgjespersonar, dette vil i så fall stå på følgjespersonbeviset.
Om følgjeperson innanfor Skyss Sone A
Innanfor Skyss Sone A på lokaltoget mellom Bergen og Trengereid kan følgjeperson reise gratis (utan billett), mot framvising av følgjepersonbevis. På Bergensbanen gjeld reglane nemnde i punktlista ovanfor.
Reisande med rullestol køyrer gratis med tog som ikkje er plassregulerte innanfor grensene til Oslo og Akershus (Ruter). Det vil seie at det held å kjøpe billett for den delen av reisa som er utanfor Oslo og Akershus.
Er de 10 eller fleire personar som skal reise samla med tog, t.d. til kurs/konferanse, er det mogleg å få grupperabatt hos oss. Be om eit tilbod ved å kontakte kundeservice eller sende ein e-post til gruppereiser-tog@vy.noEkstern lenke.
Dette må vi vite når du kontaktar oss:
- Namnet på gruppa (namn på firma, skule eller liknande)
- Reisestrekning (frå-stasjon og til-stasjon)
- Reisedato og ca. reisetidspunkt
- Talet på reisande fordelt på vaksne og barn, og alder på barna
- Namn, telefonnummer og e-postadresse til kontaktperson
- Eventuelle tilleggsopplysingar
Grupperabatten tek utgangspunkt i fullpris. Lavare pris kan difor vere tilgjengeleg ved å bestille enkeltbillettar, som Lavpris. Dersom du vil kjøpe enkeltbillettar sjølv på vy.no eller i Vy-appen, er det maks ni personar per bestilling.
Smartpris er tilgjengeleg ved kjøp av togbillettar på Austlandet. Smartpris kan berre kjøpast i Vy-appen for billettkategoriane «Vaksen» og «Student».
Smartpris er for deg som pendlar mellom to faste togstasjonar, der minst éin av stasjonane du reiser frå/til er utanfor takstområdet til Ruter.
Når du aktiverer Smartpris i Vy-appen, får du rabatt på enkeltbillettane du kjøper innanfor ein 30-dagars periode. Og i løpet av perioden betalar du aldri meir enn prisen for ein vanleg 30-dagars periodebillett.
Slik fungerer Smartpris
- Du kjøper ein Enkeltbillett frå stasjon A til B i Vy-appen
- Om Smartpris er tilgjengeleg for strekninga di, vil du få opp eit val om at du kan aktivere Smartpris, når du skal betale enkeltbilletten din.
- Dei 4 første enkeltbillettane har vanleg pris
- Billett 5 til 10 har opptil 30 % rabatt
- Billett 10 til 20 har ein større rabatt, og storleiken på rabatten avheng av strekninga du reiser på
- Resten av billetten (over 20) er kostnadsfrie ut perioden
- Ein ny Smartpris-periode startar automatisk neste gong du kjøper ein enkeltbillett
For å tene opp rabatt må du reise mellom to faste stasjonar. I Oslo kan du velje om du vil bruke Oslo S eller Nationaltheatret som til/frå-stasjon i Smartprisperioden, då begge stasjonane blir rekna som éin stasjon.
Reis er ein personleg rabatt for deg som reiser kollektivt i Oslo og deler av Akershus. Du får automatisk Reis i Vy-appen når du kjøper enkeltbillett innanfor Ruter sine soner.
- Di fleire reiser du kjøper, di billegare blir det for deg.
- Rabatten blir rekna ut ifrå kor mykje du har reist dei siste 30 dagane.
- Billetten kan brukast på alle transportmiddel, inkludert nattbusstilbodet, i Oslo og delar av Viken.