Ta toget til fjells: Den perfekte helgeturen med barna

For å kome oss vekk frå storbyens støy, tok eg med meg familien til fjellet. Og kva er vel meir koseleg enn å ta toget? Målet for helga var å finne god underhaldning for barna, få frisk fjelluft i lungene og å finne roa mellom slaga.

Psst! Barn frå 0–5 år reiser gratis, og barn frå 6–17 år får 75 prosent rabatt med Vy!

Å ta toget er ikkje berre eit miljøvennleg alternativ, det er også fantastisk enkelt! Allereie på perrongen var spenninga i gruppa til å ta og føle på. Jentene kunne ikkje vente med å sjekke ut togkupeen. Vi lempa inn bagasjen og fekk innlosjert oss på toget.

Med eiga kafévogn og leikerom om bord i toget, flyg timane forbi. Det er smart å ta med eiga matpakke og vatnflaske, men du får også kjøpt både kald og varm mat i kafeen. Nysteikte vaflar frå kafévogna var ekstra stas for dei små. Vi hadde med oss bøker, kort og spel for å la oss underhalde under turen.

Utsikta gjennom togvindauget over fjellet er spektakulær. Vi glei forbi fantastisk norsk landskap med beitande sauer, snødekte fjell og frodige skogar. For dei vaksne er det også rom for å finne roa med ein podcast på øyret eller ei god bok og varm kaffi om bord i toget.

Etter i underkant av fire timar om bord, annonserast Geilo som neste stasjon over høgtalaranlegget. Når toget sakkar farta, openberrar det seg eit ærverdig kvitt bygg utanfor vindauga.

2. Flotte høgfjellshotell

Ein fem-minuttars spasertur frå togstasjonen ligg Dr. Holms hotell og ruvar over Geilo. Det historiske hotellet har imponert gjestane sine i over hundre år. I veggane her er det mykje historie! Her kjem skituristar frå heile verda for å nyte god mat, frisk luft og myke senger.

Hotellet er ein destinasjon i seg sjølv. Her finn du både restaurant, spa, basseng, nærleik til skibakken og eit lite leikerom for dei minste. Rundt stemningsfulle, opne peisar står store cognacfarga skinnstolar og byr gjestene på ein pust i bakken.

Dette er ikkje det einaste hotellet på fjellet. Om du ikkje har privat hytte, så kryr det av overnattingsmoglegheiter på Geilo. Sjekk ut HighlandLodge⁠Ekstern lenke eller Geilo Hotel⁠Ekstern lenke for sentrumsnær overnatting, eller bu tett på skiløyper, klatrepark og sykkelramper på Vestlia Resort⁠Ekstern lenke. Her finn du òg både leikerom, spa og basseng – og ein eigen bowlinghall på hotellet.

Er du ute etter ein autentisk bowlingoppleving med barna, anbefaler vi Geilo Bowl & Dine⁠Ekstern lenke vis-à-vis Dr. Holms hotell. Dette er eit lite stykke Amerika i Hallingdal.

3. Bowling

Då vi gjekk inn dørene på Geilo Bowl & Dine, høyrdest det ekstatiske hyl frå dei tre barna. Dei var kjappe med å få på seg bowlingskoene og finne ein passande kule. Med barnegjerder som hindrar ballen frå å fly rett i renna, er dette ein aktivitet som passar for heile familien. Til og med toåringen kjende på meistringskjensla då ho sende kula av gårde for å velte kjeglene.

Dette vart ein kveld fylt med jubel, high fives og sigersdansar. Her kan du òg bestille amerikansk-inspirert mat som hamburgar og pizza, og sjølvsagt klassikaren jordbær- eller oreomilkshake med krem på toppen.

4. Lavterskel fotturar

Geilo er ein heilårsdestinasjon og byr på aktivitetar både sommar og vinter. Her finn du fantastiske fotturar i beinveges avstand frå sentrum. Finn stiane som passar dykk, enten de er ein friskusfamilie som legg ut på langtur eller med yngre barn som krev kortare utflukter. Med frodige nasjonalparkar som Hardangervidda og Hallingskarvet like ved er det flust med moglegheiter for fine turar.

Vi valde ein lågterskel fottur som ikkje krev for mykje av dei minste, men som framleis føles utfordrande nok for dei største barna. Frå Vestlia kan du anten leie syklar eller ta beina fatt til Kikut. Det aller mest familievennlege er nok å ta sommarheisen frå Vestlia skisenter til toppen av slalåmbakkane og rusle inn mot den koselege fjellstua Hakkesetstølen.

Få tips til fleire fotturar her.⁠Ekstern lenke

Etter ein kort fottur enda vi inne på den varme, koselege fjellhytta med fyr i peisen og grøt på bordet. Fløyelsmjuk rømmegraut og spekemat høyrer til på fjellet og ga oss varma vi trengte for å komme oss ned bakkane igjen. Ein ekstra bonus er hønene og kaninane på Hakkesetstølen som barna kan kose med og mate med gulrøter. For toåringen vart dette turens høgdepunkt.

5. Bade- og leikeland

På Vestlia Resort finn du eit eige badeland der barna kan utfolde seg. I «Eventyrbadet» ruvar ein 82 meter lang sklie, boblebad, bornebasseng og eit stort basseng for heile familien. Med vindaugsflater frå golv til tak får du naturen rett på, og du kan ligge og speide oppover slalåmbakken, medan du kviler hovudet på bassengkanten.

Dette vart ein stor suksess for alle barna i vårt reisefølge, som løp opp trappene for å ta sklia igjen og igjen. Og er det ikkje imponerande kor mykje energi det kan vere i små kroppar? Dei løp frå garderoben rett til leikeland i same bygget. Klare for å brenne av meir krut! Leikelandet var heilt topp for to- og seksåringen.

Har du eldre barn er det absolutt inga fare for at dei vil kjede seg under opphaldet. På Geilo er det moglegheiter for å leie sykler, og på Vestlia finn du ein eigen sykkelpark.

På sommaren er klatreparken Høgt & Lavt open for barn frå fire år, og er de ekstra eventyrlystne, kan dykk rafte nedover Numedalslågen i Dagali.

På vinteren er det sjølvsagt alpinanlegga som er hovudattraksjonen, med dei mange løypene som omkransar Geilo. Når snøen kjem, forvandlast heile bygda til eit eldorado for skiglade turistar.

6. Eigentid mellom slaga

Det gir ein enorm glede å vere med barna på helgetur, men klarer ein å skvise inn litt eigentid, gir det ein ekstra kjensle av ferie! Er de to vaksne i reisefølget, vil eg råde dykk til å gi kvarandre ein time eller to med eigentid, for på Geilo er det verkeleg rom for å nyte – også for vaksne!

Sjekk inn på eit av spa-anlegga, ta ein massasje, løp ein tur på tredemøllene eller les ei god bok. På Vestlia Resort finst både eit eige treningsstudio og spa-anlegg med kaldkulp, boblebad, dampbadstove og sauna. Ei lita pustepause frå kvardagen gjer godt for både kropp, sjel og sinn.

7. Hundekøyring

På Geilo er det eit stort miljø for hundekøyring – og det kan du få ta del i! På Geilo Husky⁠Ekstern lenke får du møte hundane, helse på og kose med dei, og du kan også få prøve å køyre. Geilo Husky tilbyr turar både for enkeltpersonar og skreddarsydde opplegg for grupper. Om vinteren kan familiar glede seg over sledeturar på 5 og 10 km med hundekøyring og kos rundt bålet ved Ustedalsfjorden.

Med hendene i vêret og store smil, raste vi av garde bak dei ivrige hundane. Haustens nydelege fargar i skogen ga ein ekstra dimensjon til inntrykka. Dette er ei oppleving vi seint vil gløyme! Vi rakk ein tur innom hotellet for å skifte før Bergensbanen tok oss tilbake til storbyen igjen. Med påfyll av naturopplevingar, frisk luft i lungene og mykje glede.

Barn frå 0–5 år reiser gratis, og barn frå 6–17 år får 75 prosent rabatt med Vy!

Bestill reisa di med Bergensbanen du òg.