Ta ekspressbuss frå Oslo til Jevnaker

Jevnaker er ein populær destinasjon året rundt med attraksjonar som Hadeland Glassverk og Kistefos Museum. Derfor har vi satt opp ekspressbuss frå Oslo til Jevnaker frå mai til oktober.

Reise frå

Reise til

Reis til Kistefos og Hadeland Glassverk med Vy

Når køyrer bussen?

Laurdag–søndag frå 9. mai til og med 31. mai 2026 (med unntak av 17. mai).
Torsdag–søndag frå 4. juni til og med 20. september 2026.
Laurdag–søndag frå 26. september til og med 11. oktober 2026.

Avgangstider og haldeplassar

Ekspressbussen VY66 går frå Oslo bussterminal kl. 10:15 med retur frå Jevnaker (Hadeland Glassverk) kl. 16:50.
Bussen køyrer via Filipstad terminal, Lysaker stasjon og Sandvika bussterminal.

Kva kostar billetten?

Billettane kostar 250 kroner per veg for vaksne og 145 kroner for barn. Merk at billettar må kjøpast på førehand.
Reisa tar om lag éin time og 30 minutt.

Shuttlebuss Hadeland Glassverk–Kistefos Museum

Det går shuttlebuss mellom Hadeland Glassverk og Kistefos, slik at du enkelt kan oppleve begge destinasjonane. Avgangstid frå Hadeland Glassverk er kl. 14:15. Shuttlebuss er inkludert i bussbilletten.

Kistefos Museum

Kistefos er ein heilt unik kulturdestinasjon, beliggande i vakre omgjevnader på Jevnaker. Opplev arkitektur i verdsklasse, eit industrimuseum, kunstutstillingar og ein imponerande skulpturpark med 52 skulpturar av internasjonalt anerkjende kunstnarar. Signaturbygget The Twist har hausta ei rekkje prisar og nominasjonar for sitt spektakulære design, og er omtala som ein «must-see cultural destination» av The New York Times.

Kistefos er ein perfekt dagsutflukt med spennande opplevingar for store og små. Lat barna boltre seg med aktivitetspark, rebusløp, hoppegrop og hamsterhjul, medan dei vaksne nyter det rike kulturtilbodet.

Hadeland Glassverk

Hadeland Glassverk opplevingssenter ligg på Jevnaker, i naturskjøne omgjevnader ved den sørlege enden av Randsfjorden. Med 12 butikkar, fleire spisestader, gallerier, museum og varierte aktivitetar og arrangement året rundt, har Hadeland Glassverk eit spennande og breitt tilbod for heile familien.