Ein dag langs hamnepromenaden i Oslo

Det er heilt naturleg at du som turist har sentrum som utgangspunkt for turen din, og difor har vi samla eit knippe attraksjonar som ligg langs den nydelege havnepromenaden, som er lett å nå – uansett kvar i sentrum du er. Set av nokre timar og oppdag noko av det beste tigerstaden har å by på.

Leiter du etter eit stad som kan tilby både kvilepuls, latter og hygge? SALT⁠Ekstern lenke er staden for deg! Her har dei Noregs kanskje største badstue, med kaldkulpar og sjøen som ventar på deg på utsida. Bålpanner og tilhøyrande kos kan dei òg by på. Her blir det jamleg arrangert stand-up, konsertar og anna underhaldning, som gjer Salt til eit allsidig val når du er på Oslo-tur og ynskjer å oppleve mykje på eitt stad.

Tips! Vil de gjere noko meir «privat», kan de reservere ei saunatønne. SALT har tønner for opptil fire, åtte og tolv personar. Då får de òg tilgang til deira eige vesle område med kaldkulp.

📍Langkaia 1⁠Ekstern lenke

Du har truleg høyrt om biblioteket i Bjørvika som opna for nokre år sidan, men har du teke turen inn? Eit bibliotek er kanskje ikkje det fyste du tenkjer på når du er på storbytur, men Deichman Bjørvika⁠Ekstern lenke er mykje meir enn eit vanleg bibliotek. Det har blitt eit slags underhaldningspalass for heile Noregs befolkning, med kino, podkaststudio, symaskinkrok, føredrag og mykje, mykje meir – og eit hav av litteratur, så klart. I tillegg har dei eit fantastisk område for borna. Det beste? Alt er gratis! Sidan biblioteket har lange opningstider, kan det vere ein ideell stad å slappe av dersom du har god tid før heimreisa. Oslo S og Oslo bussterminal ligg berre nokre minutt unna.

Tips! Ta med dykk ein kaffi og slå dykk ned i øvste etasje for å beundre utsikta og arkitekturen – eller for ein lågmælt kaffeprat. Heilt stille er det ikkje på dette biblioteket.

📍Anne-Cath. Vestlys plass 1⁠Ekstern lenke

Skrik! Dette ikoniske museet, som opna i 2020, har raskt etablert seg som eit av landets mest kjende museum. Dette monumentet av eit bygg er verdt å oppleve anten du er glad i kunst eller ei, fordi det har så mykje å by på. Munchmuseet⁠Ekstern lenke strekkjer seg over mange etasjar og tek deg med på ei heilt fantastisk oppleving av Edvard Munch sitt rike kunstnarliv. Her får du sjå kjende verk som «Pikene på broen», majestetiske «Solen» og ikkje minst verdskjende «Skrik». I tillegg har museet jamlege gjesteutstillingar, så det er alltid noko nytt å utforske. I sjuande etasje kan borna (og leikne vaksne) å lage sine eigne kunsttrykk. Avslutt besøket i museumsbutikken, som har eit fascinerande stort utval Munch-suvenirar.

Tips! Sjekk ut skybaren og nyt godt selskap og fantastisk fjordutsikt.

📍Edvard Munchs plass 1⁠Ekstern lenke

KUMI

KUMI⁠Ekstern lenke er staden for å nyte ein avslappande lunsj med rike, gode smakar. Lokalet ligg heilt ved vasskanten, og er det perfekte staden for ein pust i bakken i Oslobukta. Lunsjrestauranten byr mellom anna på avokadosandwich, salatar og amerikanske pannekaker, men òg andre alternativ som tyrkisk frukostbolle og tofurøre – i tillegg til eit stort utval friske jusar. KUMI har med andre ord noko for alle, òg for veganarar og vegetarianarar.

📍Operagata 71B ⁠Ekstern lenke

Lille Betong

Lille Betong⁠Ekstern lenke har på kort tid etablert seg som eit slags bolle-laboratorium, der dei stadig lanserer nye variantar av gamle klassikarar. Her er det lurt å vere tidleg ute, for dei nyaste kreasjonane forsvinn raskare enn du kan seie «glutennettverk». Ta gjerne med ein bolle og nyt sola langs bryggja.

📍Operagata 77D⁠Ekstern lenke

Talormade

Talormade⁠Ekstern lenke i Bispevika har blitt ein institusjon i Oslobukta, og tilbyr saftige, digge donuts i alle kunstens fargar og smakar. Donut-feberen som herja landet for nokre år sidan er kanskje over, men kvalitet går aldri av moten. I tillegg tilbyr gründerbedrifta veldig, veldig god kaffi, så dette er ein perfekt stad å slå seg ned for eit skikkeleg energipåfyll.

📍Operagata 67B⁠Ekstern lenke