Vegvisar til Flåm

Aktivitetar i Flåm

På sykkel i Flåm⁠Ekstern lenke

Når du ser på naturen rundt Flåm, tvilar du kanskje på om det går an å ta ein sykkeltur – du ser for det meste bratte og fantastiske fjell. Men det du ser stemmer ikkje alltid med verkelegheita. I staden for bratte stup og farlege fjellsider, finn du ei tilgjengelig sykkelrute⁠Ekstern lenke som følgjer toglinja frå Myrdal til Flåm, perfekt for syklistar på alle nivå.

Du kan leige syklar anten i Flåm eller Kårdal med ein togbillett i tillegg, i tilfelle du ikkje vil sykle heimreisa. Pris for å leige ein sykkel startar på 440 kr.

Kajakkpadling i Flåm⁠Ekstern lenke

Det er få stader i Noreg som er så legendariske som fjordane langs vestkysten. Flåm ligg i sjøkanten ved Aurlandsfjorden, som heng saman med den lengste fjorden i Noreg, Sognefjorden.

Kajakkpadling i Flåm⁠Ekstern lenke gjer at du kan kome deg ut på vatnet og sjå dei rolege fjordarmane på nært hald. Bestiller du guida turar, dagsleige eller campingturar, kan du padle så mykje og ofte du vil. Prisane startar på 1235 kr.

Flåm Zipline⁠Ekstern lenke

Berømte Flåm Zipline er ein av dei mest unike måtane du kan oppleve den lokale naturen på. Det er den lengste ziplinen i Norden, med ei lengd på godt over kilometeren og ein høgdeskilnad på heile 305 meter (omtrent som høgda på Empire State Building).

Viss du taklar høgder, kan du gle deg over å suse langs Flåm Zipline⁠Ekstern lenke i ein toppfart på 100 km/t. Om du er ein spenningssøkjar, finn du startpunktet høveleg plassert ikkje langt frå Vatnahalsen stasjon og du endar opp i Kårdal, i nærleiken av Flåmsdalen. Herfrå kan du sykle gjennom den ville og vakre Flåmsdalen tilbake til Flåm. Prisane startar på 1802 kr.

Gåtur i Flåm⁠Ekstern lenke

Trass i at Flåm er ein populær stad for turistar, er Flåm ei ganske lita bygd som er heimen til ca. 350 menneske. Det betyr at du ikkje treng å gå særleg langt før du er ute i naturen.

Flåmsdalen, som er kjend for den grøne og friske naturen, har sjølvsagt mange rutarr og stiar⁠Ekstern lenke for dei som vil gå på tur. Mellom anna kan du bli med på ein spektakulær, guida fjelltur opp Rimstigen⁠Ekstern lenke med ei fantastisk utsikt over den vakre Nærøyfjorden.

Sightseeing

Flåmsbanamuseet⁠Ekstern lenke

Ein av dei beste måtane å kome til Flåm på er å reise med tog, den spektakulære reisa frå Myrdal er noko av det bygda er kjend for. Derfor passar det bra med eit besøk til Flåmsbanamuseet⁠Ekstern lenke.

I eit spennande historisk tilbakeblikk på den no så berømte jernbana, får du lære alt om kvifor jernbana er kjend som den nest brattaste i Europa, korleis ho blei bygd og meir. Gratis inngang.

Vikingdalen i Gudvangen⁠Ekstern lenke

Tenk deg at du er 1000 år attende i tid og besøkjer vikinglandsbyen Njardarheim i vikingdalen⁠Ekstern lenke. Her finn du ein tidstypisk landsby fylt med moderne vikingar som gjerne vil fortelje deg om historia til vikingkulturen.

Denne familievennlege attraksjonen er laga for store og småvikingar og er like lærerik som den er spennande og interessant. Når du besøkjer vikingdalen, kan du ta ein rundtur med omvisar, eller berre vandre rundt og prate med folket i landsbyen.

Stegastein utsiktspunkt⁠Ekstern lenke

Stegastein utsiktspunkt er ei moderne plattform der du får utsyn over Aurlandsfjorden. Plattforma er den ideelle staden viss du skal fange det perfekte biletet av fjorden. Ho strekkjer seg ut over trea slik at du står høgt og får eit eineståande utsyn. Du finn Stegastein utsiktspunkt⁠Ekstern lenke etter ein køyretur på 25 minutt frå Flåm. Det er gratis inngang og plattforma er ikkje bemanna.

Du kan også ta ein guida tur med elektrisk buss til Stegastein utsiktspunkt⁠Ekstern lenke og nyta fotostopp og lokale historier.

Fjordsafari⁠Ekstern lenke

Ein av de beste måtane du kan sjå den Unesco-lista Aurlandsfjorden på, er når du blir med på ein tur. Det finst turar for alle, anten det er ein vikingmiddag om kvelden på eit cruiseskip eller ein dagstur fylt med vandring.

Fjord Safari med RIB-båt er ein populær måte å oppleve fjorden. Bli med på ein guida RIB-tur på Aurlandsfjorden⁠Ekstern lenke for ei morsom oppleving. Prisane startar frå 890 kroner.

Overnatting i Flåm

Flåmsbrygga Hotell⁠Ekstern lenke

Flåmsbrygga Hotell⁠Ekstern lenke er eit sjarmerande hotell som ligg i Flåm sentrum. Du kan prøve ut restauranten, kafeen og baren som har ei fantastisk utsikt til området rundt.

Bestill opphaldet ditt på Flåmsbrygga Hotell⁠Ekstern lenke i dag.

Flåm Camping og Vandrarheim⁠Ekstern lenke

Flåm er omslutta av nydeleg natur. For dei som ønskjer å bu litt meir uformelt, kan Flåm Camping og Vandrarheim⁠Ekstern lenke vere sjansen til å kome nærare naturen utan å ofre komforten.

Lev tett på naturen hos Flåm Camping og Vandrarheim⁠Ekstern lenke.

Heimly Gjestgiveri⁠Ekstern lenke

Dette sjarmerande hotellet⁠Ekstern lenke ligg berre eit kort stykke frå Flåm stasjon, med utsyn over Aurlandsfjorden for alle som overnattar.

Sjå ut over fjorden frå Heimly Gjestgiveri⁠Ekstern lenke.