Tog til og frå Oslo

Med toget er det kort veg til alt i Oslo

Same kvar du skal i Oslo, er Oslo S eit perfekt utgangspunkt. Alle kollektivtilbod ligg rett utanfor togstasjonen, og enten du skal til Holmenkollen eller Ekebergparken, så er det berre å gå av toget og rett på ein buss, trikk eller t-bane som tar deg dit du skal.

Den enklaste vegen til Oslo

Tar du toget til Oslo er det opplevingane, ikkje du, som står i kø. Du slepp trafikkerte innfartsvegar, bompengar og parkeringsproblem. Nyt reisa og utsikta frå toget, og ver utkvilt og klar for alt hovudstaden har å by på når toget er framme – midt i sentrum.

Kultur og underhaldning i toppklasse

Oslo har mykje å by på. Byen er i stadig utvikling, og nye restaurantar, utestader, butikkar og kulturtilbod dukkar opp nærmast dagleg. Oslo S ligg rett ved Bjørvika og Sørenga, eit av dei mest spanande områda i Oslo. Her veks ein ny bydel fram, og både Operaen, Munchmuseet og hovudbiblioteket ligg her. I tillegg er det både badeplass og eit rikt tilbod av restaurantar som ventar rett ved togstasjonen i Oslo.