Buss for tog på Gjøvikbanen

Fram til og med fredag 18. september er det stengt for togtrafikk mellom Oslo S og Roa.

• Mellom Oslo S og stasjonane Nittedal–Roa køyrer vi buss for tog. Merk at bussane går tidlegare frå Oslo S slik at toget kan gå i rute frå Roa. Bussane ventar på Roa til toget har kome fram.
• For reisande frå Movatn og Snippen i retning Oslo køyrer vi minibuss Movatn–Snippen–Kjelsås til Nydalen for byte til T-bane. Billetten din gjeld på T-banelinjene til Ruter. Reisande frå Movatn og Snippen som skal i retning Gjøvik, må bestille taxi frå stasjonen.
• Skal du reise mellom Oslo S og Kjelsås, Nydalen, Grefsen eller Tøyen, viser vi til Ruter. Billetten din gjeld på transportmidla til Ruter på denne strekninga.

Merk: I perioden vi køyrer buss for tog, vil det dessverre ikkje vere mogleg å ta med sykkel. Du finn alle detaljane om reisa di i reisesøket her og i Vy-appen.

Kvifor er strekninga stengd?

Bane NOR må halde strekninga Oslo S–Roa stengd nokre dagar til. Strekninga som etter planen skulle opnast førre laurdag etter to veker med buss for tog, blir dermed utsett.

Tryggleiken kjem alltid først, og Bane NOR må halde strekninga stengd til det er trygt å køyre tog og systemet gir grønt lys.

Les meir om arbeidet på banenor.no⁠Ekstern lenke