Skyss reiserabatt – for deg som reiser av og til
Skyss reiserabatt er ei rabattordning for deg som reiser kollektivt i Vestland. Du får automatisk reiserabatten i Vy-appen når du kjøper vaksen enkeltbillett innanfor Skyss sone A.
Skyss reiserabatt – kort fortalt
- Perfekt for deg som reiser mindre enn sju enkelt reiser i veka
- Rabatten blir berekna ut frå kor mykje du har reist dei siste 30 dagane.
- Maks rabatt er 40 %
- På tog gjeld rabatten i Skyss sone A.
Slik fungerer rabatten
- Kjøp ein enkeltbillett for vaksen (sone A) i Vy-appen som vanleg.
- Rabatten startar frå billettkjøp nummer to og vil gradvis auke jo fleire billettar du kjøper i løpet av 30 dagar.
- Dei første 30 dagane vil kvar reise ta deg eitt steg høgare på rabattstigen.
- Etter dei første 30 dagane vil rabatten din flate ut. Den vil fortsette å ligge på same nivå dersom du har eit fast reisemønster. Rabatten blir alltid rekna ut frå den dagen du kjøper billett og 30 dagar tilbake i tid.
- Dersom du reiser meir enn vanleg, vil rabatten din gå opp. Om du reiser mindre enn vanleg, vil rabatten din gå ned. Rabatten går berre ned til null dersom du ikkje har kjøpt nokon enkeltbillettar i løpet av dei siste 30 dagane.
Praktisk om rabatten
- Maks rabatt er 40 %, som betyr at prisen på enkeltbilletten med full rabatt blir 26,40 kroner.
- Reiser per veke:
1 dag (2 reiser): 17 % rabatt
2 dager (4 reiser): 26 % rabatt
3 dager (6 reiser): 35 % rabatt - I Vy-appen vil du sjå ditt rabattnivå på Heim-skjermen. Herifrå kan du gå inn på oversikt over din reiserabatt der du får ytterlegare infomasjon.
- Reiser du i gjennomsnitt meir enn 5-6 enkeltreiser per veke, vil det som oftast lønne seg med 30-dagars periodebillett.
Sone A inkluderar kommunene Bergen, Askøy, Øygarden, Osterøy, Alver, Austrheim, Fedje og tidlegare Os kommune.
Spørsmål og svar om reiserabatten
Reiserabatt er ein ny rabatt frå Skyss som blir innført 1. februar 2024. På Vy tog gjeld denne reiserabatten på enkeltbillett for vaksen, innanfor Skyss sone A.
Når du kjøper enkeltbillett for vaksen i Vy-appen, får du rabatt frå billett nummer to viss du kjøper fleire billettar innanfor ein periode på 30 dagar. Jo fleire billettar du kjøper innanfor denne perioden, jo større blir rabatten på neste billett. Maksimal rabatt på 40 prosent får du ved kjøp av billett nummer 31 i løpet av 30 dagar. Den personlege rabatten din vil du alltid finne i appen Skyss Billett under Min reiserabatt
Frå 1. februar 2024 vil rabatten bli tilgjengeleg i Vy-appen, og du opparbeider deg rabatt på reiser du gjennomfører etter dette. Sjølv om du har reist med enkeltbillettar dei siste 30 dagar før lansering, gjeld reiserabatt først frå lanseringsdato og framover.
Ingenting. Når du kjøper ein enkeltbillett for vaksen i Vy-appen får du automatisk rabatt. Din første billett vil ha fullpris. Ved kjøp nummer to innanfor 30 dagar, får du fram ein ny pris, som er den prisen du skal betala med rabatten.
For deg som reiser med tog gjeld rabatten for enkeltbillett for vaksen i sone A, når du reiser meir enn éin gong i løpet av ein periode på 30 dagar.
Reiserabatten kjem automatisk for alle som kjøper vaksenbillett i appen. Du treng difor ikkje gjere noko spesielt for å ta den i bruk.
Rabatten blir rekna løpande ut frå kor mange reiser du har gjennomført dei siste 30 dagane. Rabatten startar på billett nummer to og er då på 2,5 prosent. Deretter aukar rabatten etter kvart som du kjøper fleire billettar. Den aukar mest for dei 10 første billettane.
Din personlege rabatterte pris vil alltid bli vist i Vy-appen når du skal kjøpe din neste billett. Du kan ikkje samle opp rabatten og bruka han til andre billettar eller spare til seinare.
Rabatten gjeld ikkje for andre billettypar enn enkeltbillett for vaksen i sone Ai Vy-appen. Barn, honnør og student har andre rabattar allereie. Reiser du utanfor sone A med tog gjeld ikkje Skyss sin reiserabatt. Rabatten gjeld heller ikkje ved kjøp i andre kanalar som billettautomat eller ved kjøp om bord.
I Vy-appen kan du følgje med på rabattoppteninga di på Hjem-skjermen. Herfrå kan du også klikka deg vidare til ei oversiktside over reiserabatten din.
Sidan reiserabatten stig om du reiser meir, og minkar om du reiser mindre, blir det individuelt kva som lønner seg for deg. Dei første 30 dagane du reiser med enkeltbillett, vil du opparbeide deg meir og meir rabatt. Viss du har eit fast reisemønster, vil du då sjå kva rabattnivå du vil ligge på med det talet på reiser du har i gjennomsnitt i løpet av 30 dagar.
NB: Dei første 30 dagane du reiser med reiserabatten vil koste meir enn dei neste 30 dagane med like mange reiser. Det er fordi at dei første 30 dagane opparbeider du deg rabatt. Billettane etter dette vil gi deg den opparbeidde rabatten for din neste billett.
Nei, denne rabatten har ingen samanheng med periodebillettar. Periodebillett fungerer som før, med ein fast pris per 7 eller 30 dagar.
Nei, det er ikkje nødvendigvis slik at det alltid blir billigare. Det kjem an på av kor regelmessig du har reist dei siste 30 dagane. Det er alltid talet på reiser dei siste 30 dagane som avgjer kva rabatt du får.