Sykkel på toget
Du kan ta med sykkel på dei fleste toga våre, men på nokre strekningar må du førehandsreserve sykkelplass, medan på andre tog kan du ta med sykkelen til vogn merka med sykkel, og kjøpe sykkelbillett om bord. Her får du informasjonen du treng om å ta med deg sykkel om bord på toget.
Pris for sykkelbillett
- Som hovudregel 50 prosent av ein vaksen enkeltbillett
- Minimunspris: 27 kr
- Makspris: 275 kr
På Bergensbana i sommarsesongen er det fast pris på 275 kr for sykkel, uavhengig av strekning.
Spørsmål og svar om sykkel på tog
Informasjonen her gjeld berre syklar på Vy sine togstrekningar. For reiser med SJ NORD eller Go-Ahead, kan du kjøpe togbillettar i Vy-appen eller på vy.no, men informasjon om kva som gjeld for sykkel hjå desse operatørane, finn du på deira eigne nettstader.
- Bergensbanen: 15 sykkelplassar for reservasjon
- Gjøvikbanen: 17 sykkelplasser tilgjengelig for reservasjon
- Flåmsbana: 15 sykkelplassar for reservasjon – kan berre bestillast i sommarsesong når Rallarvegen er open for ferdsel mellom Myrdal og Flåm
- Oslo S–Halden–Göteborg: 2 sykkelplassar for reservasjon på enkeltsett og 4 sykkelplassar på dobbeltsett
Andre strekningar har ikkje reservasjon av sykkelplass. På desse strekningane tek du med sykkelen din til vogn merka med sykkel og kjøper sykkelbillett om bord.
Om du har periodebillett eller skulebillett og skal ha med sykkel, kjøper du sykkelbillett om bord.
Kor mange ledige sykkelplassar som finst på andre strekningar er avhengig av talet på reisande, rullestolar og barnevogner om bord, sidan vi må passe på at det er mogleg å kome seg fram på toget. Personalet på toget tek avgjerda om det er plass til syklar om bord.
Skal du reise med tog som ikkje har reservasjon av sykkelplass, ta med sykkelen til vogn merka med sykkel og kjøp sykkelbillett om bord.
Du må reise med det same toget som sykkelen, plassere sykkelen på tilvist plass i vogn eller godsrom og hente han når du kjem fram. Personalet om bord hjelper gjerne til. Sykkelen skal vere ulåst og utan bagasje.
Du kan ta med samanleggbar sykkel som handbagasje utan ekstra betaling. Vilkåret er at den samanleggbare sykkelen er samanlagt og kan plasserast utan hinder for andre kundar og passasje i/gjennom vognene. Han må plasserast eller emballerast slik at olje og skit frå hjul og kjede ikkje øydelegg sete, innreiing i toga eller klede eller bagasje til andre reisande.
På el-sykkel må batteriet takast av og leggast i bagasjen.
Merking av sykkel gjeld berre på Bergensbanen.
Du er sjølv ansvarleg for å merke sykkelen. Sykkelen må merkast tydeleg med destinasjon, namn og telefonnummer. Det kan vere mange syklar på toget og det må vere enkelt å sjå om ein sykkel skal av eller ikkje på dei ulike stasjonane.
Kor mange ledige sykkelplassar som finns kjem an på talet på reisande, rullestolar og barnevogner om bord. Det må vere mogleg å koma seg fram. Ombordpersonell tek avgjersla om det er plass til syklar om bord.
I reisesøket i appen og på vy.no kan du sjå eit anslag på kor fullt vi trur toget kjem til å vere. Om avgangen verkar full, tilrår vi at du vurderer ein annan avgang. Vi kan ikkje garantere at sykkelen får plass, men det er meir truleg.
Reiser du med buss for tog for Bergensbanen kan du dessverre ikkje ta med sykkel. Dette kjem av avgrensa lasteplass på bussane, slik at vi må prioritere annan bagasje framføre frakt av syklar.
Reiser du med buss for tog på andre lokal- og regionstogstrekningar rår vi at du ikkje tek med sykkel, då det kan vere plassutfordringar. Vi kan derfor ikkje garantera deg at du vil få med sykkelen på buss for tog.
Ved avvik samarbeider vi også med andre kollektivselskap, og viser til tilboda deira på enkelte togstrekningar. Dette kan vera til dømes Ruters eller Skyss sine bussar. Då er det reglane for dette selskapet som gjeld.
Dersom det er ledig plass kan sykkeltilhengar eller sykkelvogn takast med. Dette må tingast på førehand via kundeservice eller betjent stasjon, og plassen kostar det same som sykkelbillett.
Generelt
Sykkelen må kunne hengjast opp på krokane i godsrommet, det vil seie at maks lengde kan vere 175 cm. Maks dekkdiameter 5 cm.
Tandemsykkel
- Kan som hovudregel ikkje takast med om bord.
- Det finst to unntak: Flåmsbanen (her bør du gje frå deg sykkelen så tidleg som mogleg i Flåm slik at han kan bli sendt med tidlegare tog), og Bergensbanen som har eigne avgangar med sykkelvogner om sommaren. Du betaler kun ein sykkelbillett per tandemsykkel.
El-sykkel
- Same reglar som vanleg sykkel.
- Litium-ion batteri må takast av sykkelen og leggast i handbagasjen, men skal ikkje ladast om bord i toget.
- El-sykkelen skal vere tydeleg merkt med namn på produsenten, typenemning og fabrikasjonsnummer. Merkinga skal vere plassert og utført slik at ho er godt synleg.
Christianiasykkel/lastesykkel
Ikkje tillate om bord.
Handsykkel
Samanleggbar sykkel
Kan takast med som handbagasje utan ekstra betaling. Vilkåret er at han er samanlagt og kan plasserast utan hinder for andre kundar og passasje i/gjennom vognene. Han må plasserast eller emballerast slik at olje og skit frå hjul og kjede ikkje øydelegg sete, innreiing i toga eller klede eller bagasje til andre kundar.
Sykkel i koffert
Kan takast med etter reglane for vanleg bagasje om han ikkje tek for mykje plass. Sykkelkoffertar varierer veldig i storleik, og dei fleste sykkelkoffertar er for store til bagasjehyller eller hattehyller og vil sperre midtgangen. Desse kan ikkje takast med.
Sparkesykkel
Sparkesyklar og små syklar til førskolebarn blir rekna som ordinær bagasje og kan såleis takast med gratis.
- Sparkesykkel kan takast med på toget dersom den vert plassert slik at den ikkje hindrar konduktør eller andre reisande og gjer det mogleg å passere gjennom vognene. Sparkesykkel skal ikkje plasserast på bagasje-/hattehylle. Den må og plasserast eller pakkast inn slik at olje og skit frå hjul ikkje øydelegg seter, innreiing i toget eller andre reisande sine kle eller bagasje. Konduktøren avgjer om sparkesykkelen kan takast om bord i toget. Alle andre typar sparkesyklar som ikkje oppfyller desse krava, handterast som ståhjuling.
- Sparkesykkel med fire hjul frå Hjelpemiddelsentralen kan takast med som normal sykkel på tog med plassbestilling, men det kan vere han må leggjast saman. På tog utan plassbestilling er det konduktøren som avgjer om sykkelen kan bli med.
- Litium-ion batteri som brukast i el-sparkesyklar skal ikkje ladast om bord i tog.
Mopedar og motorsyklar
Kan ikkje takast med i toga våre. Dette gjeld også elektriske mopedar, skuterar og el-skuterar.
Ståhjulingar (til dømes Segway)
Ståhjuling, som til dømes Segway, er berre mogleg å ta med på Bergensbanen. Du må reservere sykkelplass, og då får ståhjulingen eigen plass i eigna godsrom for sykkel. Ta kontakt med kundeservice god tid før reisa dersom du vil at vi skal sjekka om tohjulingen kan bli med på toget.
Litium-ion batteri som brukast i el-syklar og andre små elektriske køyretøy skal ikkje ladast om bord i tog.
Større tohjulingar som Segway, store elsparkesyklar, elscooter o.l. er berre mogleg å ta med på Bergensbanen. Du må reservere sykkelplass, og då får tohjulingen eigen plass i eigna godsrom for sykkel. Ta kontakt med kundeservice god tid før reisa dersom du vil at vi skal sjekke om tohjulingen kan bli med på toget.
Du kan ta med mindre einhjulingar og ståbrett, elektrisk rullebrett og elektrisk sparkesykkel viss dei blir plasserte utan hinder for konduktør, andre reisande og passasje i/gjennom vognene. Slike små køyretøy skal ikkje plasserast på bagasje/hattehylle. Dei må også plasserast eller blir emballerte slik at olje og skitt frå hjul ikkje øydelegg sete, innreiing i toga eller andre reisandes klede eller bagasje.
Konduktøren avgjer om køyretøyet kan takast med om bord i toget.
Litium-ion batteri som blir nytta i små elektriske køyretøy skal ikkje ladast om bord i toget.
Små elektriske køyretøy skal vere tydeleg merka med namnet, typenemninga og fabrikasjonsnummeret til produsenten. Merkinga skal vere plassert og utført slik at det er godt synleg.