Geilo – Eit allsidig skieventyr for alle

Enormt skianlegg med gratis skibuss

Den populære alpinbygda Geilo hadde i 1954 den første skiheisen, og sidan då har Geilo blitt sett på som ein internasjonal skidestinasjon. SkiGeilo tilbyr ei rekkje løyper og fasilitetar: Over 40 nedfartar med varierande vanskegrad og 20 heisar for effektiv transport i bakkane. Det er løyper for nybyrjarar, vidarekomne og erfarne.

Det går gratis skibussar mellom dei to anlegga⁠Ekstern lenke frå overnattingsstadene på Geilo. Ønskjer du å henge med på afterski, går det også gratis transport til og frå Havdalskroa på dagar der det er afterskiarrangement⁠Ekstern lenke. Sjå rutetidene her⁠Ekstern lenke.

Korleis kome seg til Geilo med tog og buss

Geilo er lett tilgjengeleg med kollektivtransport. Bergensbanen stoppar på Geilo stasjon, med avgangar frå både Oslo og Bergen. Frå stasjonen er det berre elleve minutts gange bort til Slaata Skisenter. Togturen tek omtrent 3,5 timar frå Oslo og 3 timar frå Bergen. På toget er det god plass til skiutstyr i vogn nummer fem.

Med Vy buss går det Vy express til Geilo, som kan vere eit godt alternativ, særleg om du reiser frå stader som ikkje har direkte togsamband. I bussen er det mykje bagasjeplass og høg komfort på seta som gjer bussturen til ei god reiseoppleving. Ekspressbussen stoppar også på Geilo stasjon.

Ved å velje kollektivtransport til Geilo, bidreg du ikkje berre til ei meir miljøvenleg reise, men du kan også nyte den vakre utsikta undervegs utan å bekymre deg for køyring og parkering.

Løyper, parkar, skiskule og langrenn

På Geilo finn du løyper som er tilpassa alle nivå og aldrar. Her finn du oversikt over dei ulike tilboda og bakkane på Geilo.

Fargekoder på løypene i bakken

🟢 Grøne løyper: Perfekte for nybyrjarar og barn.

🔵 Blå løyper: For dei som er komfortable på ski og ønskjer litt meir utfordring.

🔴 Raude løyper: For erfarne skiløparar som likar brattare og meir krevjande terreng.

⚫ Svarte løyper: For ekspertar som søkjer dei største utfordringane.

⁠​Terrengparkar: Geiloparken og Slaataparken

I begge bakkane finn du eit godt parktilbod for deg som vil få eit ekstra adrenalinkick. Tidlegare X-games vinnar Andreas Håtveit er med på å setje opp parkane for å kunne gje eit rått tilbod til både nybyrjarar og proffe.

I Geiloparken er det to område for ulike nivå og utfordringar, Kikut og Vestlia. Kikut har løyper for nivå grøn, blå og raud. Det er små hopp, morosame boksar og kuler, samt større rails og hopp. Vestlia ligg nærast kafeen og restauranten, og her finn du dei største hoppa. Nivåa er raud og svart, så her får ein verkeleg øvd seg dersom ein er erfaren. Det er kveldskøyring med godt lys i denne bakken.

Slaatparken har nivå tilpassa grøne og blå vanskegradar. Parken har eit godt utval av hopp og rails i varierande vanskegrad, som er morosamt for både store og små. Her er det også barneområde med mindre hopp og terrengbølgjer for dei minste. Parken er open for kveldskøyring.

Skiskular for nybyrjarar og erfarne

På Geilo er det skiskular som tilbyr kurs for alle aldrar og ferdigheitsnivå. Du kan velje mellom private timar eller gruppetimar. Det er svært lurt å førehandsbestille skiskule⁠Ekstern lenke, då det ikkje alltid er mogleg å få time på kort varsel. Du finn skiskule i bakken på Slaata, Vestlia og Havsdalen.

Langrennsløyper

Likar du betre å stå på bortoverski enn nedoverski? Då kan du glede deg over fleire hundre kilometer med ulike langrennsløyper i området. Du kan låne skiutstyr og melde deg på ulike kurs⁠Ekstern lenke på dei tre ulike utfartsstadene, Havsdalen, Slaatta og Vestlia.

Mat og drikke i bakken

I løpet av ein dag i bakken kan du nyte god mat og drikke på fleire forskjellige restaurantar og kafear i området. Frå tradisjonell norsk mat til internasjonale rettar, Geilo har noko for ein kvar smak. Du finn oversikt over dei ulike restaurantane her.⁠Ekstern lenke