Hemsedal – Norges nest største skianlegg og tidenes afterski

Eit anlegg for alle

Med 51 skiløyper er Hemsedal Skistar⁠Ekstern lenke det nest største skianlegget i Noreg. Her kan du køyra uavbrote i seks kilometer frå topp til botn. Det er løyper som er tilpassa alle nivå for både born og vaksne.

På toppane finn du dei litt større parkane, Snow Park red og Snow Park blue, med hopp, rails og boksar. Nedanfor finn du «Fun Ride» med hopp, kuler og rundkøyring som er bygd for å passa alle, frå mindre born til erfarne køyrarar.

Barneområdet er nedst i skibakken. Her er snømannen Valles skiland med minipark med små hopp og andre kule element for borna.

Verdas største innandørs afterski

Stavkroa har rykte på seg for å vera verdas største afterski med sine fire ulike temarom; Afterski, Mez(VIP), Kitchen Bar og Turbo Stallen. Bygningen er inspirert av dei norske stavkyrkjene med 20 meter høge tak og toppmoderne lyd- og lysanlegg. Det er 20 års aldersgrense på Stavkroa. Dørene opnar kl. 17. I vekene er det ingen inngangspris. Skal du på eit arrangement kan du sjekka ut kalenderen deira her og kjøpa billettar⁠Ekstern lenke.

Live afterski på Skistua

Frå starten av januar til over påske er det afterski kvar veke frå onsdag – laurdag på Skistua i Hemsedal. I helgane gjennom heile sesongen har dei live speling med coverband. Aldersgrense er 18 og 20 år, dette varierer på nokre arrangement.

Afterski med born på Solstua

Det er òg afterski som er tilpassa born⁠Ekstern lenke. På Solstua kan du ta med heile familien på ein vedunderleg lunsj med hyggeleg musikk i helgane for born og vaksne. Det er i tillegg ein del arrangement ein kan vera med på.

Reis kollektivt til skianlegget

Bergensbanen frå Oslo eller frå Bergen til Hemsedal

Tar du toget frå Oslo eller Bergen, går du av på Gol stasjon og kan hoppa rett på ein shuttlebuss (VY361 og 360 Brakar) som tar deg til Hemsedal skisenter. Dette er haldeplassane shuttlebussen VY361 stoppar på i Hemsedal:

• Gol stasjon
• Gol skysstasjon
• Robru
• Moen bru
• Ulsåk
• Hemsedal sentrum
• SkiStar Lodge Hemsedal
• Fyri Resort Hemsedal
• Tuv

Buss til Hemsedal skisenter

Transferbuss frå Oslo lufthamn til Hemsedal

Vi køyrer Transferbuss i samarbeid med Skistar, VY51 Hemsedal, frå Gardermoen som gjer at du kan gå rett frå flyet på bussen som tar deg til fjells! Hugs at denne bussen berre køyrer ved bestilling, difor må du førehandskjøpa billett 24 timar før avgang. Årets transferbusstilbod har oppstart søndag 21. desember 2025, og køyrer til og med søndag 19. april 2026. Transferbussen køyrer to avgangar i begge retningar kvar søndag. Kjøper du billettane på vybuss.no⁠Ekstern lenke, får du rabatt ved kjøp av tur/retur billetten.

Ekspressbuss frå Oslo og Førde

Vy express VY170 køyrer mellom Oslo–Førde og stoppar i Hemsedal, og nokre avgangar går òg frå Oslo Lufthamn. Sjekk Vy-appen eller vy.no for å sjå kva for avgangar dette gjeld. Bussen har daglege avgangar heile året. I bussen har du trådlaust nettverk, straumuttak, komfortable og moderne sete, toalett og klimaanlegg.

Hugs at viss du reiser frå Oslo er det 40 minutts pause på Gol før du kjem til Hemsedal, dette er på grunn av at bussjåføren må kvila på den lange strekninga. Kanskje treng du òg å strekkja litt på beina?

I jule- og nyttårsperioden vil det vera fleire avgangar mellom Oslo–Hemsedal og Hemsedal–Oslo, og desse vil ikkje ha 40 minutts pause på Gol.