Besøk Kunstsilo i Kristiansand

Ei kunstoppleving i særklasse

På Odderøya ved havet, i ein ikonisk ombygd kornsilo frå 1935, finn du Kunstsilo, Nordens nye møteplass for kunst, arkitektur og opplevingar. Ein kort spasertur frå sentrum og kollektivknutepunktet i Kristiansand gir deg og dine både store opplevingar og små pausar.

Opna i 2024 og forvandla til eit moderne museum, byr staden på opplevingar for alle aldrar. Her finn du tre etasjar med kunst, aktivitetar for familiar, arrangement, brasserie, bar og museumsbutikk – alt samla i eit prisvinnande bygg med flott utsikt over byen og sjøen.

Kunstsilo forvaltar Tangen-samlinga – verdas største samling av nordisk modernisme, og Kunstsilos faste samlingar.

Dette kan du oppleve på Kunstsilo

Spektakulær arkitektur og utstillingar som inspirerer

Kåra til verdas vakraste museum i 2025, er Kunstsilo i dag eit av dei mest særprega museumsbygga i Norden. Rå betong møter lys, luft og moderne design.

Tre utstillingsetasjar presenterer både nordisk og internasjonal kunst i skiftande utstillingar, i tillegg til faste installasjonar som skulpturterrasse og ikoniske Gjerdeløa. Den mektige Silosalen i første etasje er open for alle, med og utan billett.

Aktivitetar for heile familien

Eigne aktivitetar og opplevingar for barn og unge gjer Kunstsilo til eit spennande stopp også for dei minste. Gratis familieverkstad i helger og skuleferiar, ulike aktivitetar i utstillingsromma og barnemeny i brasseriet sikrar ein heil dag med kvalitetstid for heile familien.

I skuleferiane har Kunstsilo familievennlege aktivitetar over heile bygget!

Ein del av den nye kulturdestinasjonen på Odderøya

Kunstsilo ligg på Odderøya – berre ein kort spasertur frå sentrum og kollektivknutepunktet i Kristiansand. Kombiner besøket med byvandring, sjøluft og andre opplevingar innan både natur og kultur i området.