Utforsk Drammen: Tre ting du bør sjekke ut
Den gamle trelast- og industribyen har skote fart på byutviklinga og kan freiste med eigen sjokoladebar, herleg lunsj og fine turmoglegheiter. Oppdag ein bit av Drammen by.
Herleg lunsj på Hos Solveig
Dei serverer òg alkohol, der dei har eit stort utval av øl, vin og drinkar om ein skulle ønske seg det (65–155 kr).
Criollo Sjokoladebar
I disken sel dei òg handlaga sjokoladeplater med 60–80 % kakao i fleire ulike smakskombinasjonar, som anis, lakris og fennikel, kanel, vanilje og oransje habanero (95 kr).
Hos Criollo Sjokoladebar får du alt du kan ønske deg av kaffi, frå vanleg traktekaffi til macchiato og cortado. Er du glad i kaffi latte kan du velje fleire ulike sirupar å tilsetje i latten. Desse sirupane lagar dei sjølv, og du kan mellom anna velje mellom ingefær-, chili-, lakris- og kardemommesirup.
Vi testa ut kardemommesirup i kaffi latten (63 kr), noko som gjorde kaffien søt og mektig, kanskje litt for søtt saman med moccakaka (69 kr) vi bestilte ved sidan av. Denne søtsaken hadde heile tre lag med kaffi og sjokolade; smaksrik, mektig og god. Vi gjekk for freistinga og kjøpte òg ein “Criollo Spesial” konfektbit (29 kr). Ein kan kjøpe konfektbitar einskildvis, eller kjøpe med seg ei lita øskje til å overraske nokon heime.
Elvepromenaden: tur langs Drammenselva
Langs Drammenselva kan du gå den flotte elvepromenaden som startar ved Bragernes torg i sentrum av Drammen. Turen er på cirka 10 kilometer, men han kan kortast ned som du sjølv vil.
Promenaden er brei og er tilpassa ferdsel med barnevogn, sykkel og rullator, og dessutan andre hjelpemiddel for rørslehemma. Langs turen er det fleire statuar, sitjeskulpturar og treningsapparat til fri bruk.
Unn deg noko herleg å drikke eller ete på turen, finn ein hyggeleg benk og nyt utsikta over Drammenselva.
God tur! 💚