Ny innloggingsløysing på vy.no og i Vy-appen
Vi byter til ei ny og sikrare innloggingsløysing, og for å behalde tilgangen til profilen din, treng du berre å gjere éin ting: logge inn på nytt innan 1. oktober.
Kva skjer om eg ikkje loggar inn på nytt?
Du blir automatisk logga ut av appen og vy.no 1. oktober. Profilen, billettane og informasjonen din blir ikkje sletta, men du må logge inn på nytt før du kan bruke tenestene våre igjen.
Auka tryggleik for passord
For å vareta tryggleiken har vi innført nye krav til passord ved innlogging med e-post. Det noverande passordet ditt vil framleis fungere dersom det
- er minst 8 teikn langt
- inneheld minst eitt tal og eitt spesialteikn
- inneheld både små og store bokstavar.
- Viss passordet ditt ikkje oppfyller desse krava, vil du bli beden om å opprette eit nytt. Loggar du inn med Vipps, Google eller Apple, treng du ikkje å tenkje på dette.
Nytt: fleire måtar å logge inn på
I tillegg til e-post og Vipps kan du no også bruke Google eller Apple. Men hugs at Vy-profilen din er knytt til e-postadressa di.
- Loggar du inn med Vipps, Google eller Apple, blir du logga inn med e-postadressa til den kontoen.
- Dersom den e-postadressa er ein annan enn den du har brukt hos Vy, blir det oppretta ein ny og tom profil.
- Loggar du inn med feil e-postadresse, loggar du berre ut og inn igjen med rett e-postadresse.
Merk: Apples «Skjul e-postadressa mi» gir ei unik e-postadresse som mest sannsynleg ikkje er knytt til Vy-profilen du har frå før.
Sjekk at du har tilgang til e-postadressa di
Blir du logga ut 1. oktober og du har gløymt passordet, sender vi tilbakestillinga («Gløymt passord») til e-postadressa som er registrert på Vy-profilen din. Har du ikkje lenger tilgang til den, bør du endre adressa no, medan du er innlogga.
Ofte stilte spørsmål
Vi har bytt til ei ny og sikrare innloggingsløysing. Derfor då må alle logge inn på nytt éin gong.
Samtidig har du fått fleire måtar å logge inn på: I tillegg til e-post og Vipps kan du no også bruke Google eller Apple.
Nei, du mistar ikkje noko. Billettar, varslingar og medlemskapar ligg framleis på profilen din. Det einaste du treng å gjere, er å logge inn på nytt.
Då har du sannsynlegvis logga inn med ei anna e-postadresse enn den som er knytt til Vy-profilen din. Dette kan skje om du vel Vipps, Google eller Apple, sidan du då blir logga inn med e-postadressa som er knytt til den kontoen.
Logg ut, og logg inn på nytt med e-postadressa du brukte hos Vy tidlegare – då finn du alt igjen som vanleg.
Ja. Vy-profilen din er knytt til e-postadressa di. Når du loggar inn med Google eller Apple, blir e-postadressa som er registrert på den kontoen brukt.
Sjekk derfor at du bruker same e-postadresse som på Vy-profilen din. Viss adressene er ulike, blir det oppretta ein ny profil utan billettar eller historikk. Det same gjeld når du loggar inn med Vipps.
Om du vel «Skjul e-postadressa mi», opprettar Apple ei anonym e-postadresse som vidaresender e-post til deg. Denne adressa er mest sannsynleg ikkje den same som er registrert på Vy-profilen din. Då blir du logga inn på ein ny profil utan billettar eller historikk. Apple hugsar adressa, så hvis du loggar inn med same Apple-konto seinare, kjem du tilbake til den same profilen.
Ja, så lenge det oppfyller dei nye passordkrava:
- Minst 8 teikn
- Minst eitt tal
- Minst eitt spesialteikn
- Både små og store bokstavar.
Viss passordet ditt ikkje oppfyller krava, må du setje eit nytt.
Du bør endre e-postadressa på Vy-profilen din så snart som mogleg, til ei adresse du har tilgang til.
Er du innlogga, kan du gjere dette direkte på profilen din. Om du er logga ut, men hugsar passordet ditt, loggar du inn først og endrar e-postadressa etterpå.
Om du verken har tilgang til den registrerte e-postadressa eller hugsar passordet, kan vi dessverre ikkje gjenopprette profilen din. Då må du opprette ein ny.
Vi tilrår derfor at du sjekkar e-postadressa på Vy-profilen din før 1. oktober.
Ver likevel alltid merksam på forsøk på svindel. Vy vil aldri be deg oppgi passord eller kortinformasjon via lenkjer i e-post.
For å vere på den sikre sida tilrår vi at du loggar inn direkte i Vy-appen eller på vy.no.