Setereservasjon på regiontog på Austlandet
Med setereservasjon kan du sikre deg eit valfritt sete i merka vogner. Sete som ikkje er reserverte, kan brukast av andre reisande. Slik syrgjer vi for at alle seta i toget er i bruk.
Sikre deg ein plass med setereservasjon
Reiser du med regiontog på Austlandet, kan du kjøpe setereservasjon som ei tilleggsteneste saman med din Periodebillett, Enkeltbillett eller Lavpris-billett. Med setereservasjon kan du ved hjelp av eit setekart reservere eit valfritt sete i ein av togets 1–2 reserverbare vogner. Dette kan du gjere på avgangar du ynskjer å reise med fleire veker fram i tid. Utan reservasjon kan du fritt velje blant ledige plassar i dei andre vognene.
Hva kostar setereservasjon?
- Enkelt-/Lavpris-billett: + 69 kr
- 7-dagars Periodebillett: + 405 kr
- 30-dagars Periodebillett: + 1 030 kr
- 365-dagars Periodebillett: + 10 300 kr
- Oslo S–Göteborg–Malmö som kryssar grensa: + 69–139 kr avhengig av sesong
Merk: Vi tilbyr ikkje setereservasjon for Periodebillett med studentrabatt.
Slik sikrar du deg eit sete
Du kan kjøpe setereservasjon når du kjøper Enkeltbillett og Lavpris-billett i Vy-appen og på vy.no.
Periodebillett med setereservasjon får du berre i Vy-appen, og dette gir deg høvet til å reservere eit sete to gonger om dagen i reiseperioden.
Det kan skje endringar
Nokre gonger må vi endre på setetildelinga (køyreretning, vindauge/midtgang) på grunn av eksempelvis forskjellar mellom togmodellar. Dette gir ikkje rett til kompensasjon.
Spørsmål og svar om setereservasjon
Vogner med setereservasjon har tekst på inngangsdører, veggar og skiljeveggar, der det står: «I denne vogna kan det vere reserverte sete». Kvart enkelt sete har også tekst på tøystykket på seteryggen, der det står: «Du må gjerne setje deg, men setet kan vere reservert».
Alle reisande kan sitje i vogner med setereservasjon, såframt setet ikkje er reservert. Vogna er også open for ståplassar. Dersom setet er reservert på delar av strekninga, må du vere førebudd på å flytte deg.
Ynskjer du å sikre deg en sitjeplass, tilrår vi at du kjøper setereservasjon saman med enkeltbilletten eller periodebilletten i Vy-appen.
Setereservasjon er tilgjengeleg på regiontoga på Austlandet. Det inneber at det er tilbod om setereservasjon på RE10 Drammen–Lillehammer, RE11 Skien–Eidsvoll, RE20 Oslo–Halden, RE30 Oslo–Gjøvik og R40 Vossebanen.
Nei. Det er berre seta i setereservasjonsvogna som kan reserverast, og desse seta ligg tilgjengelege i setekartet. Dersom alle seta er reserverte, er tilbodet om setereservasjon utselt.
Ja, det kan du.
Periodebillett med setereservasjon er lagt opp slik at du kan bestille sete til og frå reisedestinasjonen din sjølv om du byter tog undervegs, og du på delar av reisa køyrer med tog som ikkje har setereservasjon (lokaltog). Det betyr at sjølv om du er på eit tog utan setereservasjon når du startar reisa, kan du likevel kan booke sete på den delen av reisa der setereservasjon er tilgjengelig.
Slik gjer du det:
I appen vel du staden du skal reise frå og til. Har du periodebillett frå t.d. Lysaker til Fredrikstad, vel du samanhengande reise frå Lysaker til Fredrikstad i appen din.
På framsida av billetten din vil du sjå at det er fritt seteval på delar av strekninga, i dette tilfellet mellom Lysaker og Oslo, og at det er setereservasjon på delar av strekninga, som her er Oslo til Fredrikstad. Deretter reserverer du sete på den delen av reisestrekninga der dette er mogleg, som i dette eksempelet er Oslo til Fredrikstad.
Ver merksam på at du må bestille setereservasjonen før avgangen til toget, for at reservasjonen skal være tilgjengeleg på reisa di. Derfor må setet reserverast allereie når du startar reisa di med lokaltoget, du kan ikkje booke sete når du byter til toget med setereservasjon.
På den delen av reisa det ikkje er setereservasjon, er du fri til å velje avgang. Det betyr at du i dette eksempelet kan velje kva lokaltog du ynskjer å ta frå Lysaker til Oslo, før du set deg på toget med setereservasjon frå Oslo S til Fredrikstad.
Dersom du har ein periodebillett med setereservasjon i 7 eller 30 dagar, kan du reservere sete på dei avgangane du vil gjennom heile perioda billetten er gyldig. Har du ein periodebillett som varer i 365 dagar, kan du reservere sete heilt til 31 dagar fram i tid.
Du må velje sete manuelt for kvar avgang du ynskjer å reise med. Du vel sjølv om du vil gå inn i appen for å reservere eit sete kvar gong du skal reise, eller om du vil gjennomføre reservasjonsjobben samtidig for fleire avgangar fram i tid.
I Vy-appen kan du endre og kansellere sete du har reservert.
Som pendlar får du ein meir føreseieleg kvardag, der du kan planlegge reisevegen til og frå jobb fleire veker fram i tid.
Du kan ha to aktive setereservasjonar per dag i ulik retning. Det betyr at du dagleg kan reservere sete både til og frå reisedestinasjonen din.
Avgrensinga på to reservasjonar er der for å hindre at nokon heilgarderer seg og reserverer på fleire ulike avgangar i same retning, for så å bruke berre ein av dei – og dermed bidra til at sete står ubrukte.
Setereservasjonen din er ikkje lenger aktiv når du er framme ved destinasjonen, og då kan reservere sete for den same strekninga på nytt.
Enkeltbillett
Viss du har reservert eit sete og reiser med enkeltbillett, kan du ikkje byte sete. Ønskjer du eit anna sete, må du i så fall kjøpa ein ny billett med ny setereservasjon.
Periodebillett
Viss du skal reise med ein annan avgang enn den du opphavleg har reservert eit sete for, kan du endre reservasjonen så lenge reisa ikkje har starta. Gå inn i setereservasjonen din i Vy-appen og klikk “Avbestill” under den aktuelle avgangen. Så kan du reserve sete på den avgangen du vil ta.
Dersom du likevel ikkje skal reise, kan du berre klikke på «Avbestill» under den aktuelle avgangen for å frigjera setet til nokre andre.
Du kan prøve å gjennomføre ein setereservasjon i Vy-appen utan å fullføre sjølve kjøpet. Då vil du få opp setekartet som viser kva sete som er reserverte for strekninga.
Du kan alltid setje deg på ledige sete, så lenge du er førebudd på å flytte deg viss det kjem nokon som har reservert setet.
Når du kjøper ein periodebillett, kan du også kjøpe moglegheita for setereservasjon. Sjølve reserveringa av eit sete gjer du i Vy-appen før kvar gong du reiser.
- I Vy-appen ser du periodebilletten din og du kan velje Setereservasjon.
- Deretter vel du kva avgang du vil reisa med.
- Vel setet du ønskjer frå setekartet, og stadfest setevalet.