Bussen var forseinka. Kan eg få refundert kostnad for alternativ transport?
Viss bussen er så forseinka at du må ta alternativ transport, vil vi refundere dine dokumenterte utlegg til alternativ transport dersom du blir meir enn:
- 20 minutt forseinka på reiser under 1 time med inntil 550 kroner
- 40 minutt forseinka på reiser mellom 1 og 3 timar med inntil 825 kroner
- 60 minutt forseinka på reiser over 3 timar med inntil 1100 kroner
På reiser over 3 timar, og der forseinkinga gjer at du ikkje kjem fram før dagen etter, vil du få dekt overnattingsutgifter med inntil 800 kroner. Er det under 20 minutt til neste avgang, vil du ikkje ha krav på refusjon.
Dersom vi har grunn til å tru at reisa blir kansellert eller forseinka med meir enn to timar, vil vi tilby deg valet mellom å fortsette reisa på samanliknbare vilkår utan ekstrakostnad så langt det er praktisk mogleg, eller refusjon av billettutgifta. Du har ikkje krav på å få refundert billettutgifter dersom du får refundert utgifter til alternativ transport.
Unntak frå retten til refusjon
Du får ikkje refusjon viss du visste eller burde ha visst om forseinkinga eller kanselleringa før du kjøpte billett.
Du har heller ikkje krav på refusjon dersom forseinkinga eller kanselleringa kjem av forhold utanfor kontrollen vår. Dette vil eksempelvis kunna omfatte uannonserte offentleg påbod og forbod, streik, ulykker, vegarbeid, naturkatastrofar og ekstraordinære og uventa vêrforhold (eksempelvis kraftig snøfall, ras, flaum eller ekstraordinær glatt vegbane).