Kva gjer Vy om kundar er misnøgde med ein sjåfør eller eit selskap?

Vi er opptekne av at taxituren du bestiller i Vy-appen skal ha høg kvalitet. Du skal få taxi innan rimeleg tid, og sjåføren skal køyre behageleg og gje hyggeleg service.

I avtalane våre med taxiselskapa er det mogleg for oss å utestengje selskap eller enkelte sjåførar frå å ta imot bestillingar frå Vy-appen. Vi følgjer heile tida med på tilbakemeldingane vi får frå kundar, og informasjon om mellom anna avbestillingar og manglande oppmøte.

Det er difor viktig at du sender tilbakemeldinga di i skjema for taxi om du har ei dårleg kundeoppleving – slik kan vi ta grep for å betre tenesta. Du kan også gje tilbakemelding via meldingsløysinga vi viser i appen så snart turen er fullført. Der kan du gje ein score for kvaliteten på selskap/sjåfør og eventuelt også leggje til meir informasjon i eit meldingsfelt.