Toget mitt er/var forseinka eller innstilt. Kva er rettane mine, og korleis søkjer eg om erstatning for utlegg?

Ved avvik for Vy sine togavgangar vil det som regel bli sett opp alternativ transport. I nokre tilfelle betyr alternativ transport at vi bestiller taxiar som syter for samkøyring av dei reisande. Du har ikkje krav på erstatning om vi har sett opp alternativ transport og du vel å bestille taxi på eiga hand i staden for.

Om vi ikkje har organisert alternativ transport ved forseinking/innstilling og du endar opp med å bestille taxi via taxitenesta i Vy-appen, må du sende inn kvittering og søkje om erstatning for utlegg, som du ville gjort om du bestilte direkte frå taxiselskap. Det er altså ikkje automatisk utbetaling av erstatning ved bruk av taxitenesta i Vy-appen.

Lurar du på kva rettane dine er med omsyn til taxi? Sjå reisevilkår for togreiser.

Har du lagt ut for taxi ved forseinking eller innstilling av tog? Søk om erstatning.