Personvern i Vygruppen AS
Personvernerklæringa gjeld for deg som kjøper reisetenester frå oss eller brukar vy.no, vy.se eller Vy-appen. Her kan du lese om rettane dine og korleis vi behandlar personopplysningar.
Behandlingsansvarleg når du brukar tenestene våre, er:
Vygruppen er eit mobilitetskonsern med fleire selskap som leverer ulike reisetenester, under dette tog- og busstenester. Selskapa i Vygruppen har eit felles konsernkunderegister for best å kunne administrere kundetilhøvet og samordne tilbodet av tenester frå selskapa i konsernet. Selskapa i Vygruppen har eit sams behandlingsansvar for opplysningane i registeret.
Prinsippa våre for personvern
- Vi skal behandle personopplysningar på ein lovleg, rettvis og open måte.
- Vi skal berre hente inn personopplysningar som er relevante vår reisene og kundetilhøvet til kundane våre
- Vi hentar ikkje inn meir personopplysningar enn vi må.
- Personopplysningar som vi har henta inn skal vere oppdaterte og korrekte.
- Personopplysningar som vi har henta inn skal slettast når det ikkje lenger er behov for dei.
- Personopplysningar som vi har henta inn skal behandlast konfidensielt.
- Vi sel aldri personopplysningar til tredjepartar.
- Kundane våre har rett til å få innsyn i personopplysningar knytte til kundetilhøvet sitt. Kundar skal kunne få ein kopi av desse, og kan velje å slette dei frå systema våre om vi ikkje treng dei for t.d. å oppfylle lovkrav.
Kva tid behandlar vi personopplysningar?
Vygruppen AS sel og formidlar mobilitetstenester gjennom kanalane våre (under dette vy.no og Vy-appen) og er samstundes transportør for togtenester på enkelte strekningar.
Vygruppen består elles av fleire andre selskap som leverer ulike reisetenester, under dette tog- og busstenester, som også seljast gjennom kanalane til Vygruppen AS.
På vy.no, vy.se og i Vy-appen formidlar vi også tenester frå andre aktørar og samarbeidspartnarar, under dette tog-, buss- og taxiselskap.
Vi kan også ta i mot opplysningar der ein tredjepart sel billettar der Vy er transportør, til dømes reisebyrå eller andre transportørar. Vi vil då kunne behandle opplysningar vi mottek i samarbeidet og som er naudsynte for å kunne utføre tenesta eller kommunisere om eventuelle avvik.
Kva er rettane mine?
Du har rett til å vite om vi behandlar personopplysningane dine. Om vi behandlar opplysningane dine, har du rett til å få informasjon om kva personopplysningar vi behandlar og korleis vi behandlar dei. Du har også rett til å få ein kopi av opplysningane vi behandlar.
Om vi behandlar personopplysningar basert på eit samtykke frå deg eller for å oppfylle ein avtale vi har inngått med deg, har du rett til å ta med deg opplysningane du sjølv har gjeve til oss, såkalla dataportabilitet.
Du som har ein kundeprofil
Du som ikkje har registrert deg
Mange som reiser med oss vel ikkje å lage ein brukarprofil hos oss. Om du reiser med oss utan å ha laga ein brukarprofil, kan du ikkje bruke Vy-appen eller Mi side på vy.no for å be om innsyn, endre, slette eller laste ned personopplysningar.
Du kan krevje at vi rettar opplysningar om deg om dei er mangelfulle eller ikkje riktige. Du kan også krevje å få sletta kundeprofilen din.
Du har rett til å be om ei avgrensing av behandlinga av personopplysningar, til dømes om du meiner behandlinga ikkje følgjer gjeldande lover og reglar, eller at opplysningane ikkje er riktige.
Du har alltid rett til å protestere på behandlinga vår av dine opplysningar til direkte marknadsføring.
Du kan krevje at vi ikkje lenger behandlar personopplysningar om deg om denne er basert på kvalifiserte interesser, med mindre interessa vår i behandlinga veg tyngre enn interessene dine.
Du kan også reservere deg mot at personopplysningane dine nyttast til direkte marknadsføring ved å trekkje tilbake samtykket ditt.
Kva brukast personopplysningane til?
Personopplysningane brukast hovudsakleg til å tilby deg mobilitetstenester frå Vy og andre samarbeidspartnarar, gje deg god kundeservice eller refusjon/erstatning der du har krav på det. Vi brukar også opplysningane til å betre tenestene våre og til å kunne tilby deg brukartilpassa tenester og marknadsføring, slik at du skal få ei best mogleg oppleving hos oss. Nedanfor følgjer ei liste av ulike behandlingsaktivitetar, og kva opplysningar vi kan behandle for kvar enkelt aktivitet.
Når du kjøper ein billett, eller andre reisetenester hos oss, inngår vi ein avtale med deg. For å kunne oppfylle vår del av avtalen må vi ha informasjon om deg og det du har kjøpt. For at du sjølv skal kunne endre ei reise du har kjøpt, behandlar vi opplysningar om dine aktive og planlagde reiser.
Her kan vi bruke opplysningar som namn, kontaktinfo, kundenummer, betalingsinformasjon, samt sals- og reisehistorikk.
Om kjøp utan kundeprofil:
Du kan også kjøpe billettar og andre reisetenester på vy.no utan å vere logga inn med ein kundeprofil. Du kan velje å få billetten din som PDF på e-post eller så kan du laste han ned i Vy-appen. Vi behandlar i utgangspunktet då berre opplysningar om e-postadresse og betalingsinformasjon i samband med kjøpet. Opplysningane blir ikkje knytte til kundeprofil og vil ikkje brukast til marknadsføring eller profileringsaktivitetar.
Kjøper du billettar og reisetenester utan kundeprofil kan det likevel gjere at vi ikkje kan varsle deg om det oppstår problem med transporten din.
I nokre tilfelle vil leverandørane og samarbeidspartnarane våre krevje at det blir opplyst om namn, alder og fødselsdato på reisande for å hindre misbruk av billettar. Der leverandørane og samarbeidspartnarane våre krev dette, vil vi også be om dette for å kunne gjennomføre avtalen mellom deg og denne leverandøren/transportøren.
Du kan enkelt opprette ein kundeprofil hos oss. Ved oppretting av profil brukar vi opplysningar som namn, kontaktinfo og kundenummer.
Vi ønskjer i tillegg å leggje til rette for at du enkelt skal kunne tilpasse og administrere kundeprofilen din på Mi side. Du kan difor også leggje til informasjon om betalingsmåtar og favorittstrekning i kundeprofilen din.
For at du enkelt skal kunne administrere kjøpa dine på Mi side, behandlar vi også informasjon om dei aktive og fullførte reisene dine.
Ved oppretting og administrasjon av kundeprofilen din kan vi bruke opplysningar som namn, kontaktinfo, kundenummer, betalingsinformasjon, favorittstrekningar, samt sals- og reisehistorikk og korleis du brukar produkta og tenestene våre. Dette er naudsynt for å kunne oppfylle avtalen vår med deg om oppretting, administrasjon og bruk av din kundeprofil.
Vygruppen er eit mobilitetskonsern med fleire selskap som har eit sams konsernkunderegister.
Vygruppen består av:
- Vygruppen AS
- Vy Tog AS
- Vy Buss AS
- Vy Gjøvikbanen AS
- Vy Mobility AS
- Vy Tåg AB
- Vy Buss AB
- Vy Travel AB (inntil 1. januar 2021)
Føremålet med konsernkunderegisteret er å administrere kundetilhøvet og samordne tilbodet av tenester frå dei ulike selskapa i konsernet.
Konsernkunderegisteret inneheld alminnelege profilopplysningar om deg, som namn, kontaktinfo, kundenummer, betalingsinformasjon samt søkje-, sals- og reisehistorikk og korleis du brukar produkta og tenestene våre.
Vy har ei kvalifisert interesse i å administrere kundetilhøvet og samordne tilbodet av tenester frå dei ulike selskapa i gruppa.
Selskapa i Vygruppen har eit sams behandlingsansvar for opplysningane i registeret.
Du kan som kunde til ei kvar tid utøve rettane dine overfor kvart av selskapa i Vygruppen.
Vy ønskjer å gjere tenestene, marknadsføringa og informasjonen vår meir personleg tilpassa og brukarvenleg. Vi vil at opplevinga di hos oss skal vere tilpassa dine personlege preferansar og behov. For å gjere dette brukar vi opplysningar om korleis du brukar våre nettsider og app. Vi knyter dette saman med andre opplysningar vi har fått i samband med kundetilhøvet for å lage modellar og gjennomføre analysar som gjer det mogleg å forstå preferansane dine, og gjennom det kunne kommunisere brukartilpassa innhald til deg.
Når vi gjer dette kan vi kome til å skape nye opplysningar om deg, og vi kjem samstundes til å plassere deg i ei gruppe med andre personar som enten er i ein liknande situasjon eller som vi går ut frå har preferansar som liknar dine. Vi kan også nytte oss av samarbeidspartnarar for å gjennomføre slike analysar og lage slike modellar.
Resultatet av analysane og opplysningane brukast hovudsakleg i marknadsføringssamanheng, sjå nedanfor. Når du seinare til dømes går inn på ei nettside som viser annonsane våre, kan vi tilpasse at du ser ein annonse som er relevant for deg. Vi kan også sende ut marknadsføring og kampanjar baserte på grupperinga di via e-post.
Ved hjelp av ulike partnarar kan vi også følgje med på korleis du interagerer med oss, kva annonsar som ser ut til å vere meir interessante for deg og om nokre av desse leiar til kjøp. På denne måten kan vi vidareutvikle kunnskapen vår om gruppene vi lagar og lære meir om kva annonsar og produkt som er relevante for deg.
Her kan vi nytte opplysningar som namn, kontaktinfo, kundenummer, betalingsinformasjon, samt søkje-, sals- og reisehistorikk og korleis du brukar produkta og tenestene våre.
Vy har godt grunngjeve interesse i å bruke profilering for å kunne tilby meir relevante produkt og tenester.
Du har rett til å protestere mot profilering. Dette vil stoppe vår profilering/personlege tilpassing av opplysningar og vi vil fjerne personopplysningar som er naudsynte for denne behandlinga.
Vi nyttar ulike former for marknadsføring for å fortelje deg om reiser som vi trur du kan vere interessert i, og for å synleggjere fordelane ved å reise med oss. Slik personalisert marknadsføring brukar kundeprofilopplysningane dine, søke-, kjøps- og reisehistorikk, og korleis du brukar produkta og tenestene våre. Dette gjer vi fordi vi ønskjer at marknadsføringa og informasjonen du får frå oss skal vere betre og meir relevant for deg.
Marknadsføringa vår gjerast i tråd med krava i Markedsføringsloven. Vi vil berre sende deg marknadsføring om du har samtykt til å motta marknadsføring eller i samband med ei bestilling gjort hos oss.
For dette føremålet kan vi nytte opplysningar som namn, kontaktinfo, kundenummer, betalingsinformasjon, samt søkje-, sals- og reisehistorikk og korleis du brukar produkta og tenestene våre.
Vi sender ut naudsynt informasjon knytt til reisa di, som til dømes billetten din, kvittering for kjøp, informasjon om ruteendringar og avvik. Til dette kan vi bruke varslingar via e-post, SMS eller varslingar direkte til Vy-appen («pushvarsel»). Du kan sjølv velje kva slags varslingar du vil få i Vy-appen.
Her kan vi bruke opplysningar som namn, kontaktinfo, kundenummer, betalingsinformasjon, samt sals- og reisehistorikk. Dette gjer vi for å oppfylle avtalen vi har med deg og for å oppfylle pliktene våre etter gjeldande regelverk om passasjerrettar.
Vi må behandle personopplysningane dine for å kunne svare på førespurnader frå deg som kunde via e-post, webskjema, brev, chat, telefon eller sosiale medium, til dømes førespurnader om bestillingar, endringar, klagar, tilbakemeldingar og refusjonssaker. Dette er naudsynt for å oppfylle avtalen vår med deg om kjøp av tenestene våre.
Vi behandlar i tillegg personopplysningane dine for automatisk å kunne handsame sakene dine om refusjon og/eller erstatning. Dette gjer vi for å kunne tilby ei raskare handsaming av slike saker som del av oppfyllinga av avtalen vi har med deg som kunde og pliktene våre etter gjeldande regelverk om passasjerrettar. Du vil som kunde alltid ha rett til å be om ny og manuell behandling av ei slik sak.
Vi må også kunne sjekke kva du har gjort på vy.no og i Vy-appen for å kunne svare på førespurnader om desse tenestene, til dømes ved feilsøking.
For dette føremålet brukar vi opplysningar som namn, kontaktinfo, kundenummer, kontonummer (for utbetaling), betalingsinformasjon, saksinformasjon, samt sals- og reisehistorikk og korleis du brukar produkta og tenestene våre.
Tilbakemeldingane og innspela frå deg om tenestene vår er viktige for oss. Difor gjennomfører vi marknadsundersøkingar, lagar kundeundersøkingar som vi sender ut når reisa di er over, og tek kontakt med kundar direkte for å høyre kva dei tykkjer om tenestene våre. Det er frivillig å delta i undersøkingane.
For å gjennomføre undersøkingar av høg kvalitet, brukar vi personopplysningar for å velje ut kven vi skal kontakte. For å kunne gje deg forbetra og nye tenester har vi ei kvalifisert interesse av å gjennomføre slike undersøkingar.
For dette føremålet nyttar vi opplysningar som namn, kontaktinfo, kundenummer, fødselsdato, saksinformasjon, samt søkje-, sals- og reisehistorikk og korleis du brukar produkta og tenestene våre.
Vi jobbar heile tida med å forbetre løysingane våre. Dette vil mellom anna seie feilsøking og feilretting. Om du tek kontakt med oss for å melde inn ein feil eller kome med forbetringsønske, kan vi hente inn kontaktopplysningane dine og informasjon om korleis du brukar produkta og tenestene våre. Denne behandlinga er naudsynt for å oppfylle avtalen vår med deg.
For dette føremålet nyttar vi opplysningar som namn, kontaktinfo, kundenummer, betalingsinformasjon, samt søkje-, sals- og reisehistorikk og korleis du brukar produkta og tenestene våre.
Vi spør berre om tilgangar som er naudsynte for at dei skal fungere og for å tilby deg ei god brukaroppleving. Til dømes, for å kunne vise deg nærmaste stasjon, haldeplass eller tilrådde reiserute, må appen få tilgang til lokasjonsdata frå mobilen.
Når du installerer appen og ved seinare bruk er det du sjølv som bestemmer om appen skal få tilgang til lokasjon. Du kan også trekkje tilgangen tilbake i innstillingane i appen.
Vi behandlar personopplysningar for å identifisere etterspurnad etter nye produkt og tenester og for å betre allereie eksisterande produkt og tenester.
Vi har ei velgrunna interesse i å utvikle produkta og tenestene til selskapa.
For å gje deg ei betre kundeoppleving har vi laga somme tilleggstenester som vi håpar gjer det enklare og meir behageleg for deg å reise med oss. Til dømes tilbyd vi internett om bord i toga og bussane våre og underhaldning gjennom vårt kundeprogram, Grøn Reise.
For bruk av desse tenestene gjeld eigne vilkår. Det blir ikkje behandla personopplysningar ut over det som er naudsynt for å tilby desse tenestene til kundane våre.
Vy jobbar med å sikre deg mot uønskt eller skadeleg bruk, cyberangrep, datavirus og liknande i våre tenester. Dette gjerast for eksempel gjennom logging av serverar og system, tilgangskontroll og brannmurar.
Vi har ei rettkomen interesse i å sikre informasjons- og nettverkssikkerheit og å forebygge svindel.
For dette føremålet nyttar vi opplysningar om ditt utstyr som:
- Type nettlesar og versjonen og innstillingane til nettlesaren
- Informasjon om nettilknyting som IP-adresser
- Oversikt over når, kvar og korleis du nyttar våre produkt og tenester
Fleire av toga og bussane våre er kameraovervaka. Meininga med overvakinga er å verne om liv, helse og eigedom og førebyggje kriminalitet.
Videoar blir berre spela av ved konkret mistanke om straffbart tilhøve eller om politiet bed om innsyn.
Opptak blir sletta i samsvar med automatiserte sletterutinar og ikkje ut over det som til ei kvar tid er naudsynt for føremåla, og ikkje ut over sju dagar. Ved konkret mistanke om lovbrot kan videomateriell bli lagra lengre.
Toga og bussane våre som har kameraovervaking er merkte med dette.
Selskapa i Vygruppen har ei velgrunna interesse i å gjere denne behandlinga.
Vi deler berre personopplysningane dine i følgjande tilfelle:
- Med tredjepartar, når ein del av bestillinga omfattar tenester som blir leverte av ein tredjepart, som t.d. andre transportørar og/eller leverandørar av mobilitetstenester som blir selde eller formidla gjennom kanalane til Vy.
- Med tredjepartsleverandørar som utfører oppgåver eller arbeid på vegner av eller instruks frå Vy, og for dei føremåla som er gjevne opp i denne personvernerklæringa, slik som t.d. systemleverandørar og leverandør av betalingstenester.
- Med offentleg styresmakt når det er påkravd i samsvar med lov eller rettskraftig vedtak frå styresmakt.
Vi kan også dele aggregerte data med forretningspartnarane våre og konsernselskap for å vidareutvikle tenestene våre og drive analyse på slike data.
Opplysningane dine kan i somme tilfelle overførast til samarbeidspartnarar eller andre partar som oppheld seg utanfor EU/EØS-området. Vi tek då naudsynte forholdsreglar for å sikre at opplysningane blir verna i tråd med gjeldande personopplysningsregelverk.
Vi lagrar ikkje personopplysningar lenger enn naudsynt. Vi lagrar profilopplysningane dine så lenge du har eit aktivt kundetilhøve til oss. Om du ikkje brukar profilen din på tre år, vil profilen automatisk bli sletta.
Kjøps- og reisehistorikk slettast normalt etter 410 dagar. Lagring av opplysningar om kjøps- og reisehistorikk i denne perioden er naudsynt for å kunne ivareta interessene våre ved ei eventuell klagesak.
I somme tilfelle kan vi behalde opplysningar utover dette der det er naudsynt for å ivareta interessa vår i ei klagesak eller vi er pålagde det etter rekneskaps- og bokføringslovgjevinga.
Marknadsføring i Grøn Reise
Som medlem av Grøn Reise vil du motta nyhende, tilbod, reisetips og annan tilpassa informasjon frå Vy.
Til marknadsføringa kan vi bruke opplysningar som namn, kontaktinformasjon, kundenummer, betalingsinformasjon, samt søkje-, sals- og reisehistorikk og korleis du brukar produkta og tenestene våre.
Miljøutrekning
I Grøn Reise i Vy-appen kan du sjå kor mykje CO2 du har brukt og spart ved å reise med Vy i inneverande år. Vi brukar kundenummeret ditt, ordrenummer og start- og sluttstasjonen på dine fullførte reiser samt framkomstmiddel for å rekne ut miljøbidraget ditt. Grunnlaget for utrekninga lagrast internt hos oss.
Underhaldning
Medlemene i Grøn Reise får tilgang til underhaldningsinnhald i Vy-appen, inkludert dagens aviser og utvalde lydbøker og podkastar. Vi delar anonyme data om talet på nedlastingar med leverandørane våre og konsernselskap for å vidareutvikle tenestene våre og gjere analysar av slike data.
Avmelding
Har du spørsmål om personvern?
- Lurar du på kva slags personopplysningar vi har henta inn om deg som kunde, eller vil du at vi slettar noko om deg? Logg inn på Mine sider.
- Ved førespurnader som gjeld behandlinga vår av personopplysningar kan du kontakte kundeservice.
- Om du ikkje er fornøgd med behandlinga vår av personopplysningar, ta kontakt med personvernombodet vårtEkstern lenke. Ombodet har som oppgåve å sikre at vi følgjer Personopplysningsloven.
- Du har også rett til å klage på behandlinga vår av personopplysningar til Datatilsynet. Les meir hos DatatilsynetEkstern lenke eller send e-post til postkasse@datatilsynet.noEkstern lenke
- Du kan også kontakte oss på:
Vygruppen AS
Organisasjonsnummer 984 661 177
Schweigaards gate 23
0191 Oslo
Vi har behov for å oppdatere personvernerklæringa etter kvart som vi utviklar nye produkt og tenester. Om vi gjer større endringar i personvernerklæringa vår vil vi også kunne kontakte deg gjennom til dømes e-post eller andre kanalar for å informere om endringa.