Familie

Møt Bædi & Børdi

Bædi & Børdi er eit kunnskapsbasert konsept som legg til rette for leik og læring, og oppmodar til berekraftige ferieopplevingar. Saman med Bædi & Børdi ønskjer vi å tilby miljøvenlege, lærerike og morosame ferieopplevingar for barnefamiliar som reiser med tog på Bergensbanen. I leikeromma kan barn leike, klatre og lese bøker.

Før du reiser kan du gjerne laste ned Bædi & Børdi-appen heilt gratis, der barna mellom anna kan spele «Fis deg til månen»-spelet.

Kva er Familie?

Familie er ei eiga vogn på Bergensbanen med gratis leikerom for barna, og tilhøyrande avdeling med sitjeplassar for heile familien der du som vaksen kan halde eit auge med barna som leikar, les eller ser på film. Vognene er godt tilrettelagde for småbarnsforeldre. Her har du alt du treng som bagasje, barnevogn og stellebord innan rekkevidde. I leikerommet er det lov for dei små å leike og utfalde seg, så du treng ikkje å tenkje på om du forstyrrar dei andre passasjerane.

Tilgang til familievogna får du ved kjøp av Lågpris, Flex eller Flex Refunderbar-billett, berre hugs å huke av for Familie når du bookar reisa di.

Velkomen om bord til store og små!

PS. Vi bruker eit litt annleis tog for den første avgangen frå Bergen og for toget som går cirka halv tre frå Oslo. Her har vi ikkje eiga familievogn, men i vogn 3 har vi eit enklare tilbod for barna, med stasjonsbingo, rebusløp og eit minibibliotek.