Samarbeidspartnarane våre

I Vy-appen får du kjøpt Ruter-billettar, overgangsbillettar og billett for ekstra soner.

Ruter-billettane

Vy og Ruter har eit omfattande samarbeid innanfor Oslo og Akershus (sjå sonekart for Oslo og Akershus på ruter.no⁠Ekstern lenke). Samarbeidet inneber at du kan kjøpe ein Ruter-billett (til dømes i Vy-appen) og byte fritt mellom Vys tog og Ruters transportmiddel innanfor dei sonene du har betalt for.

Dette gjeld følgjande billettar:

• Ruter enkeltbillett
• Ruter 24-timarsbillett
• Ruter 7-dagarsbillett
• Ruter 30-dagarsbillett
• Ruter 365-dagarsbillett
• Rufusbillett
• Ruter Reis

Det er eigne reglar som gjeld for kombinasjon av Ruter- og Vy-billettar viss du skal reise ut av Ruters område. Sjå meir informasjon om dette nedanfor.

Ver obs på at Ruters billettar og prisar ikkje gjeld på Vys tog i Buskerud og Østfold fylke (sone 5V og 4S).

For nærare informasjon om Ruters billettar og prisar, sjå ruter.no⁠Ekstern lenke.

Overgang frå Vy-billett til reise i Ruter-område

Kjøper du ein Vy periodebillett og har behov for overgang til Ruters transportmiddel i sone 1, kan du kjøpe dette saman med Vy-billetten mot eit tillegg i prisen. Overgangsbilletten er ikkje gyldig for vidare togreiser med Vy i Ruter sone 1. For å nytte overgangsbilletten må overgangsstasjonen vera den togstasjonen i Oslo der du faktisk gjennomfører overgang mellom Vys tog og Ruters transportmiddel. Overgangsbillett for Ruter-sone 1 gjeld berre viss du har ein 7-dagars eller 30-dagars Periodebillett for vaksen.

Billett for ekstra soner

Billett for ekstra soner er eit tilbod til deg som allereie har ein Ruter-periodebillett, for tilfelle der du skal reise lengre enn periodebilletten er gyldig. Denne billetten er også gyldig på Vys tog.

Har du ein Ruter-periodebillett på reisekort?

Då kan du kjøpa billett for ekstra sone om bord i Ruters regionsbussar og Ruters båtar. Du får ikkje kjøpt billett for ekstra soner om bord på T-banen, trikken, Vys tog eller Enturs billettautomatar.

Kombinasjon av Ruter- og Vy-billettar

• Du kan ikkje skøyte enkeltbillettar frå Ruter med enkeltbillettar frå Vy.
  Døme: Skal du reise frå Hamar til Oslo S på enkeltbillett må du kjøpe ein Vy enkeltbillett heile vegen. Du kan altså ikkje kjøpe ein Vy enkeltbillett Hamar–Eidsvoll + ein Ruter enkeltbillett Eidsvoll–Oslo S.
• Du kan skøyte ein Ruter periodebillett med ein Vy periodebillett.
  Døme: Pendlar du mellom Hamar og Oslo S kan du kjøpe ein Vy periodebillett Hamar–Eidsvoll og ein Ruter periodebillett Eidsvoll–Oslo S.
• Du kan skøyte ein Ruter periodebillett med ein Vy enkeltbillett
  Unntaket er reiser med Bergensbanen. Viss du har ein Ruter periodebillett og skal reise med eit tog som går ut av gyldigheitsområdet til periodebilletten, kjøper du ein Vy enkeltbillett frå siste stasjon toget ditt stoppar på innanfor gyldigheitsområdet til periodebilletten, til stasjonen du skal av på.
  Døme: Du har ein Ruter sone 1 periodebillett og skal reise med tog R10 til Drammen. For å ha gyldig billett heile vegen, må du kjøpe ein Vy enkeltbillett mellom Lysaker og Drammen.
• Du kan skøyte ein Vy periodebillett med ein Ruter enkeltbillett.
• Ruter-billett for ekstra sone kan berre kombinerast med Ruter periodebillett.
• Grunnskulebillett og skulebillett kan kombinerast med Vy enkeltbillett utan setereservasjon.

I dei tilfella ovanfor kvar ein Vy-billett og ein Ruter-billett blir skøyta, er det siste Vy-stasjon i den sona Ruter-billetten gjeld som kan nyttast som frå/til-stasjonen ved skøyting med Vy-billett.

I sone 4S køyrer Ruter linje 540 til Moss. Billettar kjøpt for denne sona er berre gyldige på Ruters buss, og ikkje på Vys tog.

I sone 5V køyrer Ruter linjene 251 og 261. Billettar til desse linjene blir kjøpte i Brakarbillett-appen og er ikkje gyldige på Vys tog.

Grupperabatt – ta med inntil fire barn på billetten din

For reiser som startar og sluttar i Oslo og Akershus gjeld Ruter grupperabatten sin på laurdagar, søndagar og offentlege fridagar. Reisande over 18 år med gyldig billett for voksen, honnør, student, militær eller ungdom kan ha med seg inntil fire barn gratis.

Barn under seks år blir ikkje talt med i dette talet då dei alltid reiser gratis.

Dyr og hundar over 40 cm i skulderhøgd betaler alltid barnepris for reisa på Vys tog, og blir ikkje dekt av familierabatten.

Aktuelle lenker

Sjå sonekart på nettsida til Ruter⁠Ekstern lenke

Les om billettar og prisar på nettsida til Ruter⁠Ekstern lenke

Sjå reisevilkår på nettsida til Ruter⁠Ekstern lenke