Bergen-perlene du bør vite om!

3 grunnar til å ta toget

Godkjensla

Det er lett å forstå kvifor Bergensbanen er kåra til ei av verdas vakraste togreiser! Roa som senkjer seg medan du nyt utsikta i dei komfortable seta, er i seg sjølv verdt turen.

Hyggeleg for lommeboken!

Er du tidleg ute med å bestille togturen, kan du spare pengar på reisa.

Hopp av midt i sentrum

Det er noko eige med å rusle rett frå toget og inn på hotellet. Du finn tips til tre hotell i Bergen sentrum litt lenger ned i artikkelen.

3 velværetips for å nyte livet litt ekstra

City sauna & cruise

Kva med å ta heile venegjengen ut på eit city cruise⁠Ekstern lenke i form av ei flytande badstove med eigen skipper? Du har stupebrett på taket og praktfull utsikt til byen og fjella.

Psst: Det er også mogleg å kome på drop-in på utvalde dagar, men då ligg badstova til kai.

Spa på The Pool & Spa

Ei ukjend perle for mange er spa-anlegget i underetasjen på Hotel Norge⁠Ekstern lenke. Om du treng ein by-pause, er det perfekt å ta drop-in og tre inn i ein behageleg oase med oppvarma basseng, spamusikk og loungemøblar. Du kan også velje mellom ei rekkje spa-behandlingar, om du ønskjer det.

Nordnes sjøbad

Altså. For ei stemning på Nordnes sjøbad⁠Ekstern lenke! Vi snakkar fredagsstemning med DJ på ein heilt vanleg torsdag. Og her er det ingen bar, berre badeglade i alle aldrar som kjem saman for å kose seg i oppvarma basseng – heilt inntil sjøen. Nyt ulike badstover, stupetårn og trapper rett ut i havet. Badeanlegget er verna og gjev deg ein god dose nostalgi.

3 gratis opplevingar

Gamle Bergen

Du kan fritt vandre rundt i dei historiske trehusområda.

Bryggen bak fasaden

Bryggen er oppført på UNESCOs verdsarvliste. Men visste du at bak den ikoniske fasaden, så gøymer det seg fleire små, koselege butikkar, galleri og etestader?

Utforsk byen

Gå på skattejakt for augo i byens sjarmerande gater og dei ulike bydelane, for eksempel Sandviken og Nordnes. Ta med kaffien!

3 etestader du vil elske

Bark⁠Ekstern lenke

Ikkje rart at denne staden har fått jubel! Her snakkar vi ein herleg miks av Bergen-barskt, rause snadder-porsjonar, låge skuldrer og god stemning! Første smak på fries med steinsopp-dipp fekk meg hekta, og eg vil allereie tilbake for meir.

Fløirestaurantene⁠Ekstern lenke

Endeleg! Lokalet på toppen av Fløibanen har blitt kalla eit «problembarn» og har vore alt frå nattklubb til studiestad. No er det gjenopna som Bergens nye, lekre storstove og er ein destinasjon for smaksopplevingar. Dei fire kjøkena på staden har noko for alle – enten du kjem i turtøyet for noko varmt i koppen – eller ønskjer å nyte kritikarrost fine dining på Schou. Gratulerer med 100 års-jubileum! Vi feirar!

Sann⁠Ekstern lenke

Etter litt knoting gjennom parfymeavdelinga på Sundt på Torgallmenningen og ein heistur, forstod vi at vi hadde gått glipp av ei stor dør med namnet på restauranten på. Men litt leiting var det verdt, for no gjekk vi inn i det som openbart er ein av dei kulaste restaurantane i byen – Sann. Super service, avslappa stemning og utsøkt smaksmeny til hyggelege prisar. Anbefalast!

Psst: Pølsebua Trekroneren⁠Ekstern lenke som først opna i 1946 er ein institusjon i Bergen. No har pølsevideoar på TikTok tatt Bergen-pølsene til nye høgder, så det er berre å forvente kø. Men vi lovar, desse pølsene vil du vente på.

Psst 2: Bergen er også kjent for skillingsbolleane sine. Ta turen innom ein av kafeane i byen for bakevarer som gjer deg glad.

3 fine hotell i sentrum

Grand Hotel Terminus

Rett ved sidan av togstasjonen finn du ein raud løpar som leiar inn til Grand Hotel Terminus⁠Ekstern lenke. Her heng det lysekroner i taket, og interiøret er i mørkt tre. Sjølv om dette er eit historisk hotell og inngangen gjev ei ærverdig kjensle, er romma enkle og prisane hyggelege.

Reise du med PlussNatt-, Sove- eller Kvile-billett med Vy får du rabattert frukost på Grand Hotel Terminus og Hotel Zander.

Skostredet hotel

For ein draum: På Skostredet hotel⁠Ekstern lenke møter skandinavisk handverk japansk finesse. Romma er designa for å finne ro, og på dei to restaurantane på hotellet får du mat i verdsklasse: Fine dining-restauranten Omakase⁠Ekstern lenke av meisterkokken Sergey Pak. Og Izakaya⁠Ekstern lenke av Michelin-kokk og tidlegare verdsmeister i sushi, Vladimir Pak. Frå togstasjonen er det berre 10 minutt å gå hit.

Charmante Skostredet Hôtel

Oui! Velkomen inn i Paris á la 1920-talet på Charmante Skostredet Hôtel⁠Ekstern lenke. Dette unike hotellet er gjennomført til minste detalj, og må berre opplevast! Berre 10 minutt å gå frå togstasjonen i Bergen.

Tre turstiar verdt å sjekke ut

Løvstien

Løvstien er byens nyaste attraksjon, som følgjer foten av Løvstakken som er 6,4 km lang. Frå stien har ein god utsikt over Byfjorden og Bergensdalen. Eit av høgdepunkta på traseen er den imponerande 383 meter lange brua.

Toppen av Fløibanen

Dette er eit perfekt utgangspunkt for turar i byfjella. Ønskjer du ein enkel tur, kan du sjekke ut turløypene til Fløyvarden eller Fjellhytta. Fristar det med ein litt lengre tur, er Rundemanen og Blåmanen verkeleg verdt å utforske.

Stoltzekleiven

Detter er turen for deg som er klar for ei treningsøkt og potensielt litt mjølkesyre. Stoltzen ønskjer deg velkomen med ein bratt steinlagd tursti med trapp på rundt 900 trinn opp mot Sandviksfjellet.

Psst 3: Bergen er ein levande festivalby der det ofte blir arrangert konsertar. Sjekk ut Visit Bergen⁠Ekstern lenke og søk etter arrangement i «Hva skjer-kalenderen» som matchar togreisa di.